TEKNOLOJIA: Kenya yaunda setilaiti yake ya kwanza

NAIROBI.

Kwa mara ya kwanza nchi ya Kenya imetengeneza setilaiti yake ya kwanza kabisa ambayo imepangwa kurushwa anga za juu mnamo mwezi Machi mwaka huu.

PHOTO Profile: Satelite iliyoko angani ambayo ni

mfano wa ile ambayo nchi ya Kenya imeunda.

HABARI KWA UNDANI.

Wahandisi kutoka chuo kikuu cha Nairobi, wakisaidiwa na maafisa kutoka shirika la anga za juu la Japan walitenengeza chombo hicho katika mradi uliogharimu zaidi ya dola milioni moja.

Setlaiti hiyo itatumika kuchunguza mienendo ya kilimo, pamoja na kuchunguza maeneo ya pwani ya taifa hilo, setilaiti hiyo yenye umbo la mche mraba ina ukubwa wa sentimita 10 za mraba - itajulikana kama nano-setilaiti.

Japan ilitoa ufadhili na jukwaa la kuitengenezea lakini ni wakenya wenyewe ndiyo walioitengeneza,  Satelaiti hiyo itatumwa hadi Kituo cha Kimataifa cha Anga za Juu (ISS) mwezi Machi na kuzinduliwa rasmi kuizunguka dunia na roboti mwezi mmoja baadaye.

Hatua hiyo itaifanya Kenya kuwa miongoni mwa mataifa mengine saba barani Afrika yaliyo na setilaiti zinazoizunguka dunia. Mataifa mengine ni Misri, Afrika Kusini, Morocco, Algeria, Nigeria, Mauritius na Ghana.

Kundi la wahandisi kutoka chuo kikuu cha Nairobi walioitengeza walikuwa kundi la kwanza kufaidika kutokana na mradi wa pamoja kati ya Umoja wa Mataifa na shirila la anga za juu la Japan unaolenga kuzisaidia taasisi za elimu kutoka mataifa yanayostawi kutengeneza setilaiti zao.

Source: BBC