ELIMU: Wasomi wahujumu uchumi waonywa.

DAR ES SALAAM.

*********************************************************

Mkuu wa wilaya ya Temeke Jijini Dar Es Salaam Mh. Felix Lyaviva amewataka wanafunzi wapatao 300 wanaosoma katika Taasisi ya Uhasibu Tanzania kwa masomo ya ununuzi na ugavi wanaotarajia kuwa watumishi katika nyanja hiyo kuhakikisha wanatumia vyema fedha zinazotolewa na serikali kwa lengo la manunuzi.

>>>>>> Hapa chini ni picha tofauti za matukio katika hafla hiyo….

PHOTO: Afisa habari wa psptb Shamim Ally (kushoto) wakimpokea mgeni rasmi DC Felix Lyaviva (kulia) ni Kaimu mkurugenzi wa psptb Godfred Mbanyi katika mafunzo hayo mkuu wa wilaya ya Temake aliyefika kufungua mafunzo.

PHOTO: Mkuu wa wilaya ya Temeke Felix Lyaviva (katikati) akiwasili na kupokelewa na kaimu mkurugenzi wa PSPTB, Godfred Mbanyi (wa pili kulia) na wa chuo cha TIA alipowasili chuoni hapo.

PHOTO: Sehemu ya wanafunzi waliohudhulia mafunzo wakimsikiliza kaimu mkurugenzi mkuu wa PSPTB (pichani chini) alipokuwa akiongea nao.

PHOTO Juu na Chini: Kaimu mkurugenzi wa ununuzi na ugavi nchini Godfrey Mbanyi akiongea na wanafunzi wa chuo cha taasisi ya uhasibu nchini TIA kabla ya kuanza kwa mafunzo hayo.

PHOTO: Baadhi ya wanafunzi waliohudhulia mafunzo wakimsikiliza mkuu wa wilaya ya temeke Mh. Felix Lyaviva alipokuwa akitoa hotuba, (pichani chini).

PHOTO: Mkuu wa wilaya Mh. Felix Lyaviva akiongea na wanafunzi waliokuwa katika mafunzo.

PHOTO: Kaimu mkurugenzi wa psptb Godfred Mbanyi (kulia) akimuangalia DC Felix Lyaviva (aliyesimama) alipokuwa alitoa hotuba katika kabla ya kuanza kwa mafunzo hayo.

SOMA ZAIDI/Read more….

Katika hafla fupi ya kufungua mafunzo hayo mkuu huyo wa wilaya amesisitiza kumuunga mkono Rais John Pombe Magufuri katika jitihada zake kuondoa ufisadi, wizi na kulinda rasilimali za nchini ili ziweze kuwasaidia wananchi na kuondokana na changamoto ambazo zimekuwa zikiwakabili.

DC Felix Lyaviva alisema “nyie msipowatendea haki hawa watanzania mtakuwa mnamuangusha Rais wetu, na sisi wasaidizi wake hatutakubali, mimi sitaangalia kama ni afisa ugavi uliyesajiliwa, maadamu unaiujumu nchi yangu, nitahakikisha nakuchukulia hatua pamoja na kushitakiwa ikiwezekana na kuuhujumu uchumi”

Hata hivyo mafunzo hayo yamefanyika ikiwa ni hatua mojawapo ya kuwaongezea wanafunzi hao ili kuweza kuwa na uelewa wa ununuzi na ugavi katika  vitengo mbali mbali vya serikali.

Mkuu wa wilaya aliwataka wahitimu hao wa mafunzo kuhakikisha wanazingatia maadili ya kazi yao katika manunuzi ya fedha ya serikali ambayo inatengwa kwa kiasi cha asilimia 75 kwa ajili manunuzi na ugavi.