Baraza
kuu la waislam nchini BAKWATA limewataka waislamu wote nchini kurejea kwa
mwenyezi mungu na kumlilia ili kulinusulu taifa kutokana na hali ya ukame
ambayo inaoneka kulikumba na kusababisha njaa kwa maeneo kadhaa hapa nchini.
 |
Sheikh Khamis Mataka –Msemaji
wa Bakwata nchini akiongea na wanahabari (hawapo katika picha) juu ya
mustakabali wa taifa kutokana na baa la njaa linaloonekana kuinyemelea nchi.
|
DAR ES SALAAM
Katika taarifa yake
Mufti mkuu wa Tanzania Sheikh Abubakar bin Zubeir, iliyosomwa na Sheikh Khamis
Mataka ambaye ameteuliwa (kwa sasa) kuwa msemaji wa Mufti mkuu na waislam kwa
ujumla, amewaomba waislam wote kwa ujumla kuleta toba, kumuomba msamaha
Mwenyezi Mungu na kumuomba aijalie nchi yetu pamoja na nchi majirani kupata
mvua za kheri zitakazosaidia kuepukana na ukame na madahra yake likiwemo baa la
njaa.
Pamoja na hilo Mufti wa Tanzania Sheikh
Abubakar bin Zubeir ameongeza nafasi za kiutendaji na kufanya uteuzi wakwa
nafasi kadhaa ikiwemo nafasi ya msemaji wa rasmi wa Balaza kuu la Waislamu wa
Tanzania –Bakwata, ambapo Khamis Said Mataka na Sheikh Hassan Said Chizenga
wanachukua nafasi hizo ambapo hapo awali ilikuwa haina mtu.
Sheikh Hassan Chizenga
kwa sasa ni Mkurugenzi wa Daa’wa na Tabligh Bakwata na Sheikh Abubakar bin
Zubeir ambaye kwa sasa ni Mwenyekiti wa Halmashauri kuu ya Bakwata.
Vilevile Sheikh Mataka amesema; kumekuwepo na
matumizi yasiyo sahihi ya wadhifa wa ‘Sheikh Mkuu’ ambapo imekuwa ikitumika na
baadhi ya masheikh wa mikoa na wilaya pasipo kuelewa, ambapo kwa mujibu wa
balaza kuu la Waislam nchini –Bakwata wadhifa wa Sheikh mkuu unamuhusu Mufti wa
Tanzania tu na si mwingine yeyote, hivyo basi amewasihi masheikh wa mikoa,
wilaya, na mitaa kutambua hilo na kuwakumbusha kutumia nyadhifa zao kama
zilivyoainishwa katika katiba ya Balaza Kuu la Waislam Nchini. (Bakwata)
Post a Comment