BIASHARA: Benki ya Posta yazaliwa upya.

Kati ya benki ambazo zimekuwepo katika utoaji wa huduma hapa ncini Benki ya posta inafahamika kwa kwa muda mrefu, TPB Bank ilianzishwa mwaka 1925 ambapo mpaka mwaka 1991 iliingia katika mfumo wa kujitegemea na mnamo Machi 23 mwaka jana ilisajiliwa na kuruhusiwa kutumika kwa jina la TPB Bank PLC.

Nembo ya zamani iliyoagwa kushoto na kulia ni nembo

mpya inayoanza kuitambulisha Bank ya Posta nchini

Waziri wa fedha na Uchumi Dr. Philip Mpango akikaribishwa na wafanyakazi wa benki ya posta katika ukumbi wa kimataifa wa Mwl. Nyerere.

Dr. Mpango akisaini akisaini kitabu cha wageni.

Dr. Mpango akibadilishana mawazo na Dr. Mpango kabla ya kuzindua nembo mpya.

Afisa mtendaji wa Tpb Bank Sabasaba Moshingi akiongwa wakati wa hafla ya uzinduzi wa nembo.

Mwenyekiti wa bodi ya wakurugenzi waTpb Benki Profesa Lettice Rutashobya akielezea safari ndefu ya benki hiyo mpaka kufikia hapo.

Kutoka kushoto; Peter Mapigano, Bonaventura Paul ambaye ni meneja wa Matawi, Leonira Kazinja wakimsikiliza mwenyekiti wa bodi ambaye alikuwa akitoa taswira ya benki toka enzi ya mkoloni.

Waziri wa fedha na Uchumi Dr, Mpango akitoa hotuba iliyosisitia kwa benki hiyo kujikita kutoa mikopo uenye riba nafuu pamoja na matarajio ya serikali kuona benki hiyo inawafkiwa watanzania wote.

Baadhi ya mameneja wa matawi ya benki ya posta, kutoka kushoto Salma Marijani YWCA Branch, Joyce Joshua Executive Branch na Kindamba Haule Mkwepu Branch wakimsikiliza waziri wa fedha Dr. Mpango (hayupo pichani) alipokuwa akitoa hotuba fupi.

Waziri wa fedha na Uchumi Dr, Mpango  akipiga makofi huku mwenyekiti wa bodi Lettice Rutashobya akishuhudia kulia.

Zawadi ya kukumbuka ambayo Dr, Mpango alikabidhiwa pamoja na saa ya ukutani alikabidhiwa kadi mpya ya benki ambayo ina mwonekano mpya, katikati ni Afisa mtendaji wa Tpb Bank Sabasaba Moshingi.

Picha ya pamoja ya watendaji wa benki hiyo wakiwa mbele ya nembo mpya ya utambulisho wa benki hiyo.

DAR ES SALAAM.

Watanzania wametakiwa kununua hisa kwa wingi ili kupanua wigo wa kumiliki makampuni ya hapa nchini badala ya kuwachia wageni.

TPB Bank ilianzishwa mwaka 1925 ambapo mwaka 1991 iliingia katika mfumo wa kujitegemea ambapo Machi 23 mwaka jana ilisajiliwa na kuruhusiwa kutumika kwa jina la TPB Bank PLC.

Akizungumza katika uzinduzi wa jina jipya na nembo ya Benki ya Posta (TPB Bank PLC) uliofanyika jijini Dar es Salaam mapema leo, Waziri wa Fedha na Uchumi Dk. Philip Mpango amesema watanzania wamekuwa wakilalamika kuhusu umiliki wa makampuni ya ndani huku wakishindwa kununua hisa na kuwaachia wageni  wakimiminika kwa wingi kununua hisa hizo.

“Naomba watanzania wanunue hisa za TPB Bank, tujifunze na sisi sasa kushiriki kikamilifu katika soko la hisa na ndio umiliki wenyewe, tusingoje kuita watu wengine waje kuona umuhimu wa hisa,” alisema Dk. Mpango.

Vile vile Dk. Mpango amesema watanzania wamekuwa wabunifu hususani wanawake lakini changamoto kubwa imekuwa mtaji lakini kwa ujio mpya wa TPB Bank changamoto hiyo itaweza kutatuliwa kwa pamoja huku serikali ikiwepo.

Hata hivyo alisisitiza kuwa watanzania wanapaswa kujengwa utamaduni wa kujiwekea fedha za akiba katika mabenki kutokana na maendeleo makubwa ya sekta ya kibenki nchini ambao utawasaidia kutatua changamoto mbalimbali za kimaisha.

Kwa upande wake Afisa Mtendaji wa TPB Bank Sabasaba Moshingi amesema mpaka mwaka 2011 kulikuwa na idadi ndogo ya watanzania wanaotumia huduma za kibenki lakini ubunifu ambao umefanyika kufikia sasa umeongeza matawi ya benki hiyo kutoka 28 hadi kufikia 60 mpaka kufikia sasa.

Aidha Mwenyekiti wa Bodi ya Wakurugenzi wa benki hiyo Profesa Lettice Rutashobya alimhakikishia Waziri wa fedha kuwa benki hiyo itaendelea kutoa huduma bora kwa wateja wake hususani kwa watanzania walioko pembezoni na hasa vijijini ili nao waweze kufaidika na huduma zake.

Kindamba Haule Meneja wa benki ya posta tawi la Mkwepu

akiongea na mwandishi wa TODAYS NEWS kuhusu matarajio

anayoyatazamia mara baada ya uzinduzi wa Tpb Bank.

Pamoja na hayo meneja wa benki hiyo tawi la Mkwepu Kindamba Haule ana matarajio makubwa kufikia malengo kutokana na mabadiriko wanayofanya katika benki yao ambapo kwa tukio la ubadirishaji wa nembo ni hatua mojawapo inayofanya wateja waweze kuona mwanga mpya.

“hatutarajii kubaki palepale kutokana na hatua hii, maana tumetoka katika hatua ya watu kutunza fedha katika chago na tunaenda katika kuwafanya wateja watunza fedha ikiwa mkononi mwake kutoka kwetu na matarajio ni makubwa hata kupitia amana za wateja, pia huduma zetu ni tofauti na benki nyingine ikiwa ni kutokana na ukomavu wa muda mrefu hapa nchini” alisema Kindamba Haule.