USALAMA: Mabasi ya uokoaji yachomwa moto.

Moshi mkubwa unaotokana na moto unaounguza

mabasi yaliyokuwa tayari kuwaamisha raia.

SYRIA.

Wakati dunia ikiwa inatafuta Amani kwa watu kuishi pasi kuwepo madhara au balaza kuu la usalama la umoja wa Mataifa likiwa ndiyo lenye jukumu la kuangalia Amani na kulinda raia duniani, Mabasi kadhaa yaliokuwa yakielekea kuwaokoa wagonjwa na watu waliojeruhiwa katika kijiji kinachomilikiwa na serikali katika mkoa wa Idlib nchini Syria yamechomwa na waasi, Msafara huo ulikuwa ukielekea Foah na Kefraya maeneo yaliozungukwa na waasi.

Maelfu na maelfu ya wasyria wenye hofu na waasi waliokwama huko wamekua wakisubiri zowezi la kuwahamisha, mapema Jumapili iliyopita msemaji wa ICRC Elodie Schindler, aliwapa matumaini raia hao aliposema,"kamati yetu iko tayari kuanza tena kazi ya kuwaondosha watu kutoka Aleppo mashariki kuanzia asubuhi ya leo".

Raia wa Syria akiendesha pikipiki huku akipita karibu

na moja ya mabasi yaliyochomwa moto na waasi.

Kupitia shirika la habari la Syria SANA, liliripoti kwamba mabasi ya kuwahamisha wakazi wa Aleppo yanayosimamiwa na Kamati ya Kimataifa ya Msalaba Mwekundu, ICRC, yameingia katika mitaa ya mji huo uloharibiwa kutokana na vita Jumapili asubuhi kuanza kazi ya kuwahamisha wakazi walobaki.

Mpango wa awali wa kuwasafirisha watu mashariki mwa mji wa Aleppo haukufanikiwa kwa siku ya Ijumaa, ambapo uliwaacha raia wakiwa wamekwama katika vituo tofauti bila chakula, maji na makazi ambapo maelfu ya watu wanatarajia kuondoka katika eneo hilo.

Baraza la Usalama la Umoja wa Mataifa linatarajia kupiga kura Jumapili mchana ikiwa itawapeleka wafuatiliaji kwenye mji huo mkubwa wa Syria uloharibika kufutilia zoezi la kuwahamisha watu pamoja na kuwasaidia kwa kuwapatia ulinzi raia walobaki.

Pia litazungumzia muswada wenye azimio na uliotayalishwa na Ufaranasa unaoeleza kuzorota  kwa mzozo wa kibinadamu ndani na karibu ya mji huo na uwezekano wa maelfu ya wakazi wa Aleppo wanaohitaji msaada na kuondolewa katika mji huo.