UHURU: Harambee Day Kenya yafana (Tanzania).

Matukio katika picha mbalimbali 20 pamoja na habari kwa undani ambapo wananchi wa Kenya waishio nchini Tanzania waliposherehekea siku kubwa  ya uhuru wa nchi yao wakiongozwa na balozi wa kenya nchini Tanzania.

=====================================

Balozi wa Kenya Mh.Chiray Ali Mwakweru akiwakaribisha wananchi kwa kenya, mabalozi, viongozi mbalimbali nan chi majirani kwenye Harambee Day iliyofanyika jijini Dar Es Salaam katika Hotel ya Kilimanjaro Kempisk.

Balozi Maiga (kulia) na Balozi wa Kenya Mh. Mwakweru nchini wakiwa kimya kuimba nyimbo za mataifa mawili Tanzania na Kenya pamoja na wimbo wa Umoja nchi za Afrika Mashariki, lakini baadye walikaa kimya kwa dakika mbili kukumbuka vifo vya wakenya waliokufa kutokana na kulipukiwa na mafuta yaliyokuwa kwenye roli.

Baadhi ya wageni waalikwa wawakilishi wa nchi jirani na nchi marafiki waliohulia sherehe za uhuru wa kenya jijini Dar Es Salaam wakiiimba nyimbo za Taifa na ule wa Afrika Mashariki kabla ya tafrija fupi.

Balozi wa Kenya Mh. Mwakweru akiwa kimya kwa dakika mbili kukumbuka vifo vya wakenya waliokufa kutokana na kulipukiwa na mafuta yaliyokuwa kwenye roli.

Raia kadhaa wa kenya waliohudhulia sherehe za uhuru wa nchi yao wakiwa pamoja wageni mbalimbali wakiimba nyimbo za mataifa ya Tanzania na Kenya pamoja na wimbo wa Umoja nchi za Afrika Mashariki, lakini pia walikaa kimya kwa dakika mbili kukumbuka vifo vya raia wa kenya waliokufa kutokana na kulipukiwa na mafuta yaliyokuwa kwenye roli.

Mara baada ya ufunguzi kwa hotuba Mh.Balozi Makweru aligonga grasi na Mgeni wake Mh. Maiga waziri wa Mambo ya nje na ushirikiano wa Kimataifa na kikanda kuonyesha ushirikiano wa kindugu hasa kutokana na historia ya nchi hizi mbili.

Wawakilishi kutoka nchi marafiki baadhi wakiwa ni viongozi waandamizi katika balozi zao wanazoziwakilisha hapa nchini, Lt Cdv tm Jazuli Mohamed El Bodaoki, Col. Mohamed Salah kutoka Misri, Col Manasseh Chidama Kutoka Nigeria, Abdulkadir Mohamed Yusup Kutoka Somalia (katikati) 

Waziri wa Mambo ya nje wa Tanzania Balozi Maiga akitoa hotuba iliyogusia nyanja za ushirikiano ulioanzishwa na waasisi wa mataifa ya Tanzania Hayati Baba wa Taifa Julius Nyerere na Jomo Kenyatta ambapo alisema kizazi kipya kinapaswa kujifunza mengi kutokana na yaliyofanywa na hao viongozi, kulia Balozi Makweru wa Kenya nchni akitabasamu.

Pia baada ya hotuba Mh. Waziri Balozi Maiga aligonga grasi ya furaha na Mh. Balozi Makweru wa Kenya nchini kufungua sherehe hizo za kumbukumbu kwa wananchi wa jumuhiya ya Afrika Mashariki na wale wan chi za jirani.

Kunapokuwa na sherehe za kumbukumbu ya kuzaliwa inaambatana na kukata keki, hii ndiyo keki iliyoandaliwa rasmi kwa wananchi wa Kenya kula kuashilia miaka 53 ya Uhuru wa Taifa lao.

Balozi wa Kenya Mh. Mwakweru kulia na Waziri wa mambo ya nje wa Tanzania Balozi Maiga wakikata keki kwa pamoja kwa niaba ya wananchi wa Kenya na wageni waalikwa, tukio kama hili limesemwa ni umoja wenye tija katika mustakabali wa ushirikiano kwa mataifa haya mawili.

Balozi wa kenya Mwakweru kulia na Balozi Maiga kushoto wakipeana mikono baada ya tukio la kukata keki.

Balozi wa Burundi nchini Tanzania mwenye tai nyekundu kulia kwake ni  Afisa ulinzi ubalozi wa Nigeria nchini Manasseh Chidama wakifuatilia tukio la kukata keki lilifanya na Balozi wa Kenya na Waziri-Balozi Maiga (hawapo pichani

Mshauli wa balozi kenya Peter K. Sang kulia akiteta jambo na Jean Uku Afisa mauzo wa shirika la ndege la Precision Air katika hafla hiyo.

Balozi wa Kenya Mh. Chiray Mwakweru (kulia) na Waziri wa mambo ya nje na ushirikiano wa kimataifa na kikanda Balozi Maiga (kulia) wakiongea mambo kadhaa.

Wageni mbalimbali waliodhulia sherehe za uhuru wa kenya kwa hapa nchini Tanzania wakiendelea kupata vinywaji huku wakifuatilia mambo kadhaa yaliokuwa yanaendelea Kilimanjaro Kempisk jijini Dar Es Salaam.

Balozi wa Burundi nchini Tanzania mwenye suti ya kijivu akiteta jambo na Waziri –Balozi Maiga (wa pili kulia) huku wa kwanza kulia ni Balozi wa Kenya nchini Mwakweru na aliyesimama pembeni (kustoto) ni Abdulkadir Mohamed Yusuf –Afisa ubalozi Somalia.

Katikati ni mshauri wa ubalozi wa Kenya Peter Sang, (kushoto) Waziri –Balozi Maiga na (wa pili kulia) Balozi wa Kenya nchini mh. Mwakweru.

Picha ya pamoja balozi wa kenya Mh. Chiray Mwakweru (wa sita kutoka kulia) akiwa na baadhi ya maofisa wa Ubalozi wa Kenya nchi pamoja naye waziri wa mambo ya nje Balozi Maiga (katikati)

HABARI KWA UNDANI:

DAR ES SALAAM:

Sehemu ya Uhuru wa maisha ya mtu anayetoka katika kutokuwa chini ya imaya ya mtu mwingine na nafasi ya kufanya mambo yake kwa kutumia nafasi binafsi pasipo kubugudhiwa wala kuwa chini ya utawala ni hatua ya kuwa huru.

Nchi ya kenya imesherehekea miaka 53 ya uhuru wa nchi yake toka itoke mikononi mwa mkoloni mwingereza hivyo basi wananchi kukumbuka madhira na hatua walizopitia mpaka kufikia mwaka huu 2016 ambapo ni hatua ndefu iliyopitia ikiwa ni milima na mabonde.

Katika salamu zake kwa wakenya waishio nchini, maafisa wa balozi kadhaa waliohudhulia sherehe hizo, balozi wa kenya nchini Mh. Chiray Ali Mwakweru ameelezea hatua ambazo serikali ya Kenya imepiga toka pale walipopata uhuru kuwa ni hatua ambazo zinaungwa mkono na wakenya wote, hata Rais wa sasa Uhuru Kenyatta anapigania maendeleo hayo kutokana na jitihada anazofanya katika kuliinua taifa hilo zaidi ya hapo.

Pia aliongeza kwa kuweka ucheshi’ kuhusiana na maendeleo ambayo wakenya wamepiga pamoja na wao kuwa nyuma kupata uhuru, lakini wamekuwa wa kwanza kutumia huduma ya kutuma pesa kwa kutumia simu ya kiganjani maarufu kama mpesa. Lakini hakuacha kuwataja makamanda wa kudai uhuru katika nchi ya Tanzania na Kenya Nyerere na Kenyatta.

Kwa upande wake waziri wa mambo ya nje na ushirikiano wa kimataifa na kikanda wa Tanzania Balozi Augustine Maige amekumbuka mwaka 1963 alipokuwa Iringa mara alisikia mara kadhaa Redio Tanzania wakati huo ikipiga nyimbo zilizokuwa zinaisifu kenya.

Aliongeza kuwa, ndipo alipogundua kuwa kuna kitu kimetokea na wakenya wamepata uhuru, pamoja na pongeza mafanikio yaliyopatikana bado anaona ushirikiano wa nchi za afrika mashariki uliohasisiwa na viongozi wawili unatakiwa kupewa nafasi kwa kizazi kipya kujifunza na kugundua mambo mengi ambayo kwa sasa hayapatikani.

Pia wakati juhudi za Rais Magufuri za kuifanya Tanzania kuwa nchi ya viwanda basi kuna kila haja ya wakenya kuja kuwekeza na kutumia fulsa iliyopo sasa ili kuendana na falsafa za viongozi wakuu wa nchi hizi.