BAN KI -MOON: Apata mrithi UN.

Antonio Guterres akiapishwa kwenye makao makuu ya Umoja wa Mataifa Jumatatu ya 12/12/2016

HABARI KWA UNDANI:

MAREKANI:

Jumatatu hii alipatikana katibu mkuu mpya wa Umoja wa Mataifa akitokea nchini Ureno Antonio Guterres ambapo anakuwa katibu mkuu wa 9 ambapo aliapishwa siku hiyo na kuwa kuanza kuitumikia taasisi hiyo inayosimamia uwanja mpana ikiwemo Amani, kuepusha na kuingilia mambo kadhaa yanayoweza kuleta madhara kwa binadamu nk.

Wakati akihutubia mataifa wanachama makao makuu ya umoja huo, Guterres alisema Umoja wa Mataifa lazima uwe wenye kutekeleza majukumu yake kwa wakati, na kuongeza Umoja huo lazima pia uangazie maswala yanayohusu watu kabla ya kuzingatia zaidi mikakati.

Kiongozi huyo mwenye umri wa miaka 67 na aliewahi kuwa waziri mkuu 1995- 2002 na pia kiongozi wa shirika la kushughulikia wakimbizi la Umoja wa Mataifa kuanzia mwaka 2005- 2015, alishinda wagombea wenzake zaidi ya 12 kwenye mchujo wa uchaguzi uliochukua miezi 10.

Hata hivyo bwana Gueterres anakabiliana na kibarua kigumu wakatidunia ikishuhudia tatizo la uhamiaji, mapigano kwenye ukanda wa mashariki ya kati na Afrika, ugaidi, mabadiliko ya hali ya hewa, pindi atakapochukua rasmi kiti hicho mwezi Januari mosi kutoka kwa katibu mkuu wa Umoja huo anaeondoka Ban Ki –moon.