SIASA: Watu 20 wauawa katika maandamano.

Askari wa jeshi la DRC wakiwa wamembeba mzobemzobe mmoja wa raia aliyekuwa akiandamana kupinga kuendelea kwa Rais Kabila madarakani.

Rais wa Jamhuri ya kidemokrasia ya kongo Joseph Kabila.

Askari wa jeshi la kongo wakiwazuia raia waliokuwa kwenye maandamano mjini Kinshasa.

HABARI KWA UNDANI

DRC

Wakati muhula wa pili na wa mwisho kwa ukiwa umekamilika tarehe 19 Disemba, kumekuwa na maandamano katika miji kadhaa nchini Congo na miji mingine duniani ya kumtaka rais wa DR Congo Joseph Kabila kujiuzulu na leo ni siku ya mwisho ya utawala wake, lakini uchaguzi umeahirishwa ambapo upinzani wanasema kuwa ni jaribio la Kabila kusalia madarakani.

Muungano wa vuguvugu la kidemokrasia ulizindua kampeni ya ''Bye-Bye Kabila'' ili kumshinikiza kung'atuka muhula wake unapokamilika mwezi Disemba.

Mkurugenzi mkuu wa shirika la umoja wa mataifa kuhusu haki za kibinadamu nchini Dr Congo amesema kwamba kuna ripoti 'zinazothibitishwa' watu 20 kufariki dunia na waliuawa katika makabiliano na maafisa wa usalama kwenye mji wa Kinshasa 'hali ni mbaya sana'  alisema Jose Maria.

Kulingana na mtandao wa Politico unasema takribani watu watatu walikuwa wanasemekana kuuawa na wanajeshi mjini Kinshasa na wengine watano walijeruhiwa, wawili vibaya baada ya kupigwa risasi wakiwa karibu na maofisa wa kikosi cha Republican Guard katika mojawapo ya wilaya zenye idadi kubwa ya watu wa N'djili.

Wananchi wamekuwa wakiimba Kabila Must Go –‘kabila ni sharti aondoke’ huku milio ya risasi ikiendelea kusikika kwenye maeneo tofauti mjini Kinshasa, licha ya kiongozi wa upinzani Etienne Tshisekedi ametaka kufanyika kwa maandamano ya Amani ambayo yamekuwa yakifanyika katika miji kadhaa ya DR Congo.