ARIDHI: Bado haijakuza uchumi.

Mkurugenzi wa Idara ya matumizi bora ya aridhi Paulo S. Tarimo (anayeonekana kusoma) akifungua mkutano wa wadau wa aridhi nchini kwa kusoma hotuba akimwakilisha katibu mkuu wizara ya kilimo kwa kusoma maelezo ya ufunguzi, kushoto kwake ni Robert Kafakoma Mratibu wa miradi

 (Picha mbili) ya juu na chini ni wadau na viongozi kutoka taasisi,vyama na mashirika mbalimbali wakisikiliza hotuba ya mgeni rasmi wakati wa kuanza kwa warsha ya uwezeshaji wa aridhi na sera iliyofanyika jijini Dar Es Salaam katika hotel ya New Afrika.

Mkurugenzi wa Idara ya matumizi bora ya aridhi Paulo S. Tarimo (mwenye ishara ya kuongea kwa hisia) akisisitiza jambo wakati wa ufunguzi wa warsha hiyo, anayemuangalia kulia kwake ni Sospeter Wambura Mtemi, mkurugenzi msaidizi matumizi bora ya aridhi na kilimo nchini

Makofi ya kuonyesha warsha inaanza rasmi, ni wadau, viongozi wa taasisi mbalimbali wakionekana katika hali hiyo mara baada ya ufunguzi.

Picha ya pamoja kwa ajili ya kumbukumbu za hapo baadaye iliyopigwa muda mfupi baada ya hotuba ya ufunguzi kabla ya warsha kuendelea, jijini Dar Es Salaam New Africa Hotel.

Mchumi na Mratibu wa mashirika ya maendeleo na mashirikiano ya kimaitaifa wizara ya Kilimo mifugo na Uvuvi Magreth Ndaba (kulia) akieleza nafasi na utendaji wa CAADP nchini akiwa ndiye anayebeba jukumu la kusimamia kazi zote zinazohusu shirika hilohapa nchini.

Wadau wa warsha wakisikiliza mawasilisho kutoka kwa Mratibu wa CAADP (hayupo pichani) jinsi inavyoweza kufikia lengo maalum la wastani katika kuhakikisha ukuaji wa sekta kwa asilimia 6 kupitia kilimo katika bara la Africa, wa kwanza kulia ni Maria Marialle Mratibu wa kitaifa wa mradi umiliki aridhi nchini.

 HABARI KWA UNDANI:

Warsha ya wadau wa kilimo ulioratibiwa na Mpango wa maendeleo ya kina Afrika –CAADP umewakutanisha wadau wa pande hizo ikiwemo wizara ya fedha, wizara ya mipango, wafugaji, taasisi na vyama mbalimbali ukiwa na lengo la kuangazia nyanja mbalimbali zinazoathiri mafanikio tarajiwa katika ardhi na kuleta hatua nyingine inayoweza kuleta faida kutokana na aridhi. Hapa kwa mara ya kwanza mwaka 2004 shirika la chakula duniani (FAO) lilikuja kuipitisha Tanzania katika mfumo huu CAADP.

Warsha hiyo unaoungwa mkono na mashirika ya kimataifa yanayohusika na kilimo na aridhi kama CARE INTERNATIONAL, OXFARM pamoja na IFAD, CAADP imekuwa ikiunga na kutoa mfumo wa ukuaji wa uchumi, usalama wa chakula kwa njia ya mabadiriko ya sekta ya kilimo, bado kupitia aridhi maendeleo kupitia uchumi mkubwa kwa njia ya kilimo imeonekana ni ndoto kutokana na mfumo wa mazingira unaotumika kwa kutegemea neema ya Mungu kwa upande wa mvua haujaleta mabadiriko.

Maria Marialle Mratibu wa kitaifa wa mradi umiliki aridhi;  anasema “katika kutekeleza tamko la mkutano mkuu wa viongozi wa umoja wa Africa uliokutana ili kuhainisha changamoto za ardhi na matatizo mengine yanayohusiana na ardhi, kilimo kimeonekana kushindwa kutoa jawabu la kile kilichokusudiwa.”

Maeneo mengi katika nchi za afrika na katika maeneo ya vijijini wananchi wanakijiji wamekuwa hawana hati ya umiliki wa aridhi wakati mwekezaji anayekuja kijijini anaweza kupewa hati hiyo ya kumiliki aridhi, hali hii inafanya kudumaza maendeleo na kuwafanya wananchi walio vijijini kushindwa kuwa na maendeleo makubwa kwa kutumia aridhi ambayo hawana umiliki nayo.

Magreth Ndaba –Mchumi na Mratibu wa mashirika ya maendeleo na mashirikiano ya kimaitaifa wizara ya Kilimo mifugo na Uvuvi, wakati huo huo ni Afisa kiungo wa CAADP nchini anasema pamoja na mpango anaosimamia kwenda kwa kujongea taratibu, lakini mafanikio ni mazuri, “katika mfumo wa upatikanji wa aridhi (Land Access) kwa makundi yote siyo lazima uwe kwenye chama, ila kwa sasa tunajitahidi vijana waingie kwenye kilimo na tunaangalia upatianaji wa aridhi kwa ajili ya kinamama na mukundi mbalimbali.”

Pamoja na hilo inafahamika kuwa aridhi ndiyo mwajili mzuri kuliko mwajili yoyote endapo itatumika vema ikiwa ni kutumia utaratibu wa njia ya kuipata na kuindeleza, maana sehemu hii ndiyo yenye kukuhakikishia usalama na  kutupatiwa malighafi kwa ajili ya viwanda na kuendesha sehemu ya ajira kwa vijana wa Tanzania, mifumo na taratibu za kuweza kuindeleza, kuitunza aridhi lazima iwekwe kwa ajili ya kufikia malengo ya nchi, malengo yaliyopo na yaliyowekwa na wadau (Afrika) wa kanda na baadaye kimataifa.