Tanzania
inasifika kwa kuwa na utajiri mkubwa wa wanyamapori barani Afrika na duniani
kote, ikiwa ni nchi ya pili kuwa na rasilimali nyingi asili na iliyotenga
sehemu kubwa ya ardhi yake kwa ajili ya uhifadhi (24%) ili kuhakikisha kuwa
wanyamapori na ndege wapo salama na wanalindwa.
 |
Twaha Twaibu Afisa
mkuu wa wanyamapoli wa wizara ya Maliasili na Utalii nchini, akitoa maelezo wakati wa kongamano la kampeni ya kulinda maliasili za taifa, jijini Arusha katika ukumbi wa mikutano ya kimataifa -AICC.
|
 |
| Siraha na risasi kama hizi zimekuwa zikitumika kuangamiza wanyama walio katika hifadhi zetu. |
Hivi siyo vipande vya miti fulani kama
mianzi, ni pembe za tembo ambazo mara baada ya Tembo wetu kuuwawa uonekana
hivyo.
 |
| Pamoja na juhudi nyingi za kuzuia uharifu huu wa kusikitisha kwa Tembo wetu, hali kama hii inapaswa kupingwa na ushiriki wa kila mwananchi. |
Pamoja
na juhudi nyingi zinazofanywa, uvamizi
wa mifugo, ujangili na biashara haramu ya meno ya tembo bado imeendelea kuwa changamoto
kubwa ya kiuhifadhi hali inayopelekea na kuathiri siyo tu kuuawa kwa wanyamapori,
bali pia inahatarisha utalii pamoja na usalama wa nchi yetu.
Pamoja na ujangili, mapito/njia au shoroba za
wanyamapori zinaendelea kuzibwa na uvamizi wa mifugo ya wafugaji, shughuli za
binadamu katika maeneo yaliyohifadhiwa.
Hali
hii inasababisha kuongezeka kwa migogoro baina ya wanyamapoli na binadamu hali
inayopelekea kupungua kwa idadi ya wanyamapori hususani tembo ndani na nje ya
maeneo yaliyohifadhiwa.
Dkt John Pombe Magufuli rais anayeongoza serikali ya awamu
ya tano inayoendelea kukabiliana na ujangili kwa nguvu zote kwa njia mbalimbali
ikiwa ni pamoja na kutekeleza mkakati wa kupambana na ujangili na biashara
haramu ya nyara za serikali iliyozinduliwa Novemba 2014 Arusha (National Ant poaching
Strategy to Combat Poaching and Illegal Wildlife Trade)
Doria na
intelijensia ndani na nje ya maeneo yaliyohifadhiwa zinaendelea kufanyika nchi
nzima. Hii inakwenda sambamba na kutoa elimu kwa umma
kuhusu uhifadhi wa maliasili.
Post a Comment