BANGI: Zao la biashara linalolimwa Kisimiri.

Jani la mmea wa Bangi ambao unatumika kama dawa za kulevya nk.

Leonard Mutani -Arumeru

TODAYSPRO.BLOGSPOT.COM

Katika matokeo ya mtihani wa elimu ya sekondari nchini, shule iliyochukua nafasi ya juu nchini imetokea katika mkoa wa Arusha wilaya ya Arumeru ikiwa inapatikana katika kijiji kinachojulikana kama Kisimiri ambalo ndilo jina la shule hiyo iliyopo katika kitongoji cha karafia.

Askari wa Jeshi la Polisi wakiwa na mtuhumiwa aliyekamatwa na magunia mawili ya bangi katika kijiji cha Kisimiri Wilayani Arumeru.

Askari wa wanyama pori (TANAPA) ambao mara kadhaa wamekuwa wakishirikiana na viongozi wa serikali za vijiji, jeshi la polisi wakishusha na kupakia kutoka kwenye gari la hifadhi kuingiza kwenye roli kwa ajili ya kusafirisha kuelekea makao makuu ya wilaya.

Mkono mmoja hauvunji kijiti, Ushirikiano uzaa matunda, kama ambavyo askari hawa wa wanyama poli wakisaidia kushusha na kupakia magunia zaidi ya bangi.

Askari wa wanyama pori (TANAPA) wakishirikiana na viongozi wa serikali za vijiji, jeshi la polisi wakishusha na kupakia magunia zaidi ya 32 kutoka kwenye gari la hifadhi kuingiza kwenye roli kwa ajili ya kusafirisha kuelekea makao makuu ya wilaya.

Baadhi ya shehena ya magunia zaidi ya 32 ambayo yalikamatwa kutokana na ushirikiano wa wananchi na viongozi wao baada ya tamko la mkuu wa wilaya ya Arumeru Alexanda Mnyeti kuwataja na kukamata wote wanojihusisha na biashara hiyo.

HABARI KWA UNDANI:

Mara kadhaa eneo hilo wananchi wake wamekuwa wakijihusisha na biashara ya kuuza mazao ya nyanya ambazo ndiyo zao kubwa la biashara na limewapatia fedha zilizopelekea kubadirisha maisha yao, hivyo basi wananchi wengi wamejikita katika kilimo cha aina hiyo ambayo inapandwa na kufikia hatua ya kuvunwa kwa muda wa miezi mitatu.

Inasemekana ukulima wa bangi ulianza tokea wakati mkoloni katika eneo hilo, hivyo hakuweza kuacha aina yoyote ya mazao iwe ya chakula au biashara yaliyoweza kulimwa ili kuwanufaisha wananchi hali hiyo inapelekea wananchi kufanya kilimo cha bangi inayostawi na kusemwa ni bangi nzuri kutokana na kumea eneo lenye hali ya hewa yenye baridi, hivyo imefanya kijiji hicho kuwa korofi kwa ukulima wa zao hilo linalopigwa marufuku nchini.

Mnamo October 10.2016 mkuu wa wilaya ya arumeru Alexandra Mnyeti alifanya mikutano kadhaa katika maeneo yanayosemekana kukithiri kwa kilimo na biashara ya bangi ambapo katika mikutano hiyo na viongozi wakiwemo mkurugenzi, madiwani, watendaji, wajumbe na wenyeviti wa vijiji ambapo alitoa maagizo kwa wananchi kumtaja mtu yeyote anayefanya biashara au kulima zao hilo.

Kufuatia tamko hilo la mkuu wa wilaya, wanakijiji wa kisimiri chini wameshirikiana na viongozi wao na kupelekea kukamatwa kwa zaidi ya magunia thelathini na mbili (32) ikiwemo mbegu ya bangi debe nne (4) inayokisiwa kuweza kupandwa kwenye shamba lenye ukubwa wa ekari 60, hali inafanya kuweka historia ambayo haijawahi kutokea ya kumatwa kwa mbegu nyingi kiasi hicho huku mmoja wa watuhumiwa ajulikanaye kwa jina la Emmanuel Ndereko akikamatwa na magunia mawili.

“Sehemu nyingine nchini imekuwa ikitumika nguvu kubwa kumamata bangi, lakini katika eneo hili matunda ya mkuu wa wilaya ya kukaa na viongozi walio chini yake yamefanya hata jeshi la polisi kuwa na kazi ndogo hata ya kukamata wanaohusika na biashara hii.” Anasema mkurugenzi wa wilaya ya arumeru Christopher J. Kazari.

Kutokana na kupakana na nchi jirani ya kenya na umbali mfupi kutoka vijiji jirani vinavyolima zao hilo, usafirishaji wake umekuwa ni mwepesi huku pikipiki, magari hata wanyama kama punda ambao wamefundishwa kubeba magunia ya bangi na kupeleka kuvuka mpaka kwa njia za panya na kupeleka sehemu husika pasipo kuongozwa na mtu, alieleza afisa utalii wilaya ya Meru.

Hata hivyo katika kuhakikisha zao hili halilimwi na kuuzwa katika eneo hilo, mkurugenzi wa wilaya ya arumeru anahainisha mikakati ambayo inawagusa watendaji wote ikiwa ni kila mtu na nafasi yake kufanikisha zoezi hili, pia wakaazi wa maeneo husika ili kujua ni aina gani ya mazao ya mbadala yanawezwa kulimwa zaidi ya bangi, hivyo wataalam wa kilimo wataletwa kupima ni na kushawishi aina mazao yanayofaa.