UTHUBUTU: Binti mdogo kushiriki tuzo nchini Afrika kusini.

PICHA:  Mkurugenzi wa Taasisi ya Sekta Binafsi nchini Godfrey Simbeye akiongea kuhusu nafasi ya vijana kushiriki shindano la ANZISHA waweze kuongeza mafanikio yatakayoweza kuisaidia jamii eneo unaloishi.

PICHA:  Mkurugenzi wa Taasisi ya Sekta Binafsi nchini Godfrey Simbeye kushoto anasisitiza jambo wakati mshindi wa tuzo ya ANZISHA kwa Tanzania Asha Abba kulia akisikiliza kwa makini wakati wa kumuaga kabla ya kuelekea nchini Afrika kusini mapema makao makuu ya TPSF masaki jijini Dar Es Salaam.

PICHA:  Mshindi wa tuzo ya ANZISHA ambaye ndiye mshiriki wa kwanza kuiwakilisha Tanzania katika shindano hilo kwa mwaka 2015 SIRJEFF DENNIS, akielezea nafasi ambayo dunia inaenda kutambua kijana mwenye umri mdogo wa miaka 17 anayetoka Tanzania anaweza kutoa wazo linaloweza kusaidia jamii yake.

Sirjeff aliingia kwenye shindano akiwa na kampuni ya kilmo ambayo wakati huo haikuwa imesajiliwa lakini baada kushiriki ndipo aligundua nafasi yake katika jamii inaweza kubadilisha maisha yake na ya wengine.

PICHA:  Kutoka kulia ni Jane Gonsalves -Mratibu wa tuzo ya Anzisha, Mkurugenzi wa TPSF aliyenyanyua mkono akiongea wakati wa kumuaga na kumkabidhi bendera ya Tanzania Asha Abbas mwenye ushungi na wa mwisho kulia na Sirjeff Dennis, masaki makao makuu ya Taasisi ya sekta binafsi nchini.

PICHA:  Mkurugenzi wa Taasisi ya Sekta Binafsi nchini Godfrey Simbeye akimkabidhi bendera ya Taifa Asha Abbas mbele ya wanahabari pamoja na wafanyakazi wa ofisi hiyo makao makuu ya TPSF.

PICHA:  Asha Abbas mshindi wa tuzo ya ANZISHA kwa Tanzania akiongea na kutoa shukurani zake kwa waandaaji wa shindani hilo na kuwaomba vijana wasikate tamaa katika kuanzisha kitu chenye kuleta maendeleo kwa jamii na inapaswa kuwapa moyo ili kufanikisha malengo kwa ajili ya siku za usoni.

Leonard Mutani

TODAYSPRO.BLOGSPOT.COM

“mimi ni mwanzilishi wa website ya Aurateen iliyotengenezwa kwa ajili ya vijana kuuliza maswali online kuhusu afya ya kijinsia na changamoto mbalimbali wanazokumbana nazo kila siku, wazo hili lilikuja baada ya kujua vijana wengi wanajihingiza katika mambo mengi yasiyofaa wakiwa katika umri mdogo wakiwa bado wako mashuleni, pia mivuto kutoka makundi yasiyofaa yanawafanya kujiingiza katika wizi, madawa ya kulevya, mimba za utotoni, ngono ktk umri mdogo ambazo ni hatari kwa afya” maneno ya Asha Abbas.

Pamoja na kuelezea hayo aisha mwenye umri wa miaka 17 anasema wakati akiwa katika jamii aliona ni vema kuanzisha kitu kinachoweza kuwasadia vijana wenzake waweze kuwa salama kutokana na changamoto zinazowazunguka.

‘ANZISHA’ ni tuzo iliyohasisiwa na Taasisi ya Sekta Binafsi nchini (TPSF) ikiwa na lengo la kumuwezesha mjasiliamali mdogo ambaye ameweza kutekeleza wazo la biashara alilokuwa anawaza na kulifanya kuwa kitu halisi, ikiwa ni kuleta suluhu ya changamoto za kijamii, pia kama alianzisha biashara endelevu katika jamii aliyomo.

Kwa Tanzania TPSF inashirikiana na chuo kinachowaunganisha viongozi watarajiwa African Leadership Academy cha Afrika kusini kuitambulisha tuzo hii ya Anzisha Prize Award, ikiwa ni mara ya pili toka ianzishwe huku Tanzania ikitoa vijana wawili walioshiriki tuzo hii toka mwaka 2015.

Mkurugenzi mtendaji wa Taasisi ya Sekta Binafsi Godfrey Simbeye anasema “tuzo hizi zimekuja kutokana na kuwandaa vijana kuwa viongozi wa Africa na wajasiliamali na ukiangalia umri ambao wanahitimu kuja kwenye mashindani haya ni miaka 15-22 ni vijana ambao wapo shule na sisi wengi watoto wetu wapo shule unaweza kusema ah!, anaanza biashara akiwa na umri mdogo, lakini kuna wanafunzi wa umri huo ambao tayari wana mawazo ya biashara na mawazo ya kuleta maendeleo”

Katika shindano la mwaka huu ambalo linatarajia kufanyika nchini Afrika kusuni mwezi huu (Octoba) linashirikisha mataifa kumi na moja kama Msumbuji, Ghana, Morroco, Madagasca, Niger, Senegal, Misri, Uganda, Kenya, Ivory cost na Tanzania huku washiriki wakiwa kumi na wawili wawili kati yao wakitoka kenya, lakini katika washiriki hao 12 mshiriki toka Tanzania Asha Abbas ndiye mshiriki mdogo kuliko wote.

Wakati shindano hilo litamtoa mshindi ambaye atapata kitita cha US Dollar 25,000 hata hivyo kila mshiriki atapata nafasi ya kushiriki mafunzo ya wiki moja ambayo yatapelekea kufikia mchujo wa kushindanisha wazo ambalo litaonekana kuwa wazo bora katika mawazo 12 ya washiriki wote kutoka nchi 11.

“tanzania masuala ya ajira ni tatizo, tunatengeneza vijana kutoka shule na vyuo mbalimbali kila mwaka wanaomaliza ni wengi sana, kuanzia darasa la saba mpaka chuo kikuu ni vijana wengi sana wanaingia sokoni nakisia wanafika 1,000,000  sasa tunahitaji tuwe na mashindano ya ubunifu kama haya watu waweze kujiajili” anasema mkurugenzi wa TPSF Godfrey Simbeye