UTAFITI: Simu ya mkononi kutumika kuhakiki.

Serikali imeanza kutafiti matumizi na uunganishaji wa nishati ya umeme kupitia wakala wa nishati vijijini (REA) ikishirikiana na ofisi ya taifa ya takwimu (NBS) inasemekana kuwa asilimia 10 ya watanzania waishio mijini ndiyo walikuwa na nishati ya umeme pale serikali ilipoanzisha taasisi ya takwimu  huku asilimia 2 ya watanzania waishio vijijini ndiyo walikuwa na uwezo wa kupata huduma ya umeme, lakini kutokana na jitihada na utafiti inaonyesha mpaka muda huu ni asilimia 52 ya watanzania ndiyo walio na nishati ya umeme.

PICHA: Mkurugenzi wa Takwimu na Sera za Jamii Ephraimu Kwesigabo aliyenyoosha kidole akizungumza, kulia kwake ni kaimu mkurugenzi mkuu wa REA nchini Eng. Gissima Nyamo-hanga. 

PICHA: Kushoto ni Titus Mwisomba meneja wa NBS na  Kulia kwake ni Pius Kasikana pia NBS, wakimsiliza mkurugenzi wa sera na Takwimu za Jamii hayupo pichani.

PICHA: Waandishi wa habari wakisikiliza na anachosema kaimu mkurugenzi mkuu wa REA nchini Eng. Gissima Nyamo-hanga kuhusu watanzania waishio vijijini ambao wana uwezo wa kupata huduma ya umeme na hali ilivyo sasa.

HABARI KWA UNDANI

Kaimu mkurugenzi mkuu wa REA nchini Eng. Gisima Nyamo-hanga anasema utafiti huu utahusisha jumla ya maeneo ya vijijini na mijini yaliyochaguliwa kitaalam 676 katika mikoa yote ya Tanzania Bara huku ikihusisha jumla ya familia binafsi 10,140 ikiwa ni pamoja na viongozi wa vijiji na mitaa 676 ambao watahojiwa kuhusiana na miradi mbalimbali ya maendeleo katika maeneo yao.

Katika kipindi tulichopo kwa sasa dunia imejikita kwenye sayansi na teknolojia hivyo utafiti huu wa kuwangalia hali ya upatikanaji wa nishati nchini utaelekea katika njia hiyo kwa kutumia mfumo wa kieletroniki na wadadisi watatumia simu za kiganjani kuwahoji wanafamilia na viongozi wa vijiji pamoja na mitaa baadaye kujaza majibu ya mahojiano hayo kwenye madodoso yaliyopo kwenye simu zao.

Utafiti huu ni wa kwanza kufanika kwa kuhusisha mikoa yote ya Tanzania Bara, hivyo upatikanaji wa takwimu hizo utasaidia katika kuandaa taarifa zihusuzo hali ya upatikanaji na usambazaji wa nishati ikiwa ni pamoja na takwimu zake kutumika kuendeleza mipango ua usambazaji wa umeme vijijini kupitia miradi mbalimbali.

Hata hivyo ametoa tahadhari kutokana na yale yaliyotokea mkoani Arusha  kwa kuuwawa kwa watafiti watatu, “nawaomba wananchi kutojichukulia sheria mkononi kwa kuwadhuru wadadisi watakapokuwa katika majukumu yao kwa ajili ya kuisaidia nchi, mtu yeyote atakayepatikana na hatia ya kuwazuia kutekeleza kajukumu yao atachukuliwa hatua kwa mujibu wa shera ya Takwimu kifungu cha 37 ya mwaka 2015” alisema.