SPORTS: Tanzania kushiriki kombe la dunia.

Balozi wa India Sandeep Arya akiongea na wanahabari katika kituo cha utamaduni cha india  kuhusiana na safari ya timu mbili ya wanawake na wanaume zinazotarajiwa kuelekea nchini India kwa ajili ya mashindano ya kombe la dunia la kabaddi..

Balozi wa India nchini Sandeep Arya akipeana mkono na Highness Bampenja mmoja wa wachezaji wa timu ya wanawake wakati wa kuwatambulisha na kuwaaga

Timu ya wachezaji wanaume ikiwa katika timu ya pamoja na Balozi wa India nchini Tanzania, wanne kutoka kushoto ni timu kapteni  Geophrey Mtawa.

Timu ya wachezaji ya wanawake nao walipata nafasi ya kupiga picha ya pamoja na balozi wa India nchini wakati wa kuwaaga mapema katika kituo cha utamaduni cha India jijini Dar Es Salaam, wa pili kutoka kulia ni Salma Potia kapteni wa timu.

< PICHA: Timu mbili za wanaume na wanawake wakiwa katika picha ya pamoja na balozi wa mwenye suti kati waliosimama, wakiwa kwenye bendera ya India ndani ya chuo cha utamaduni cha India jijini Dar Es Salaam, wa kwanza kulia waliosimama ni Mkurugenzi wa ubalozi Inder Jit Sagar.

Leonard Mutani

TODAYSPRO.BLOGSPOT.COM

Katika kukuza ushirikiano na kuendeleza utamaduni kwa nchi ya India na Tanzania, serikali ya India kupitia jimbo la Punjab imeandaa ikiwa ni kwa mara ya sita kombe la Dunia la Kabaddi linalotarajiwa kuanzia rasmi tarehe 3-17.11.2016, ambapo ni mchezo unaochezwa na timu mbili ambapo kila timu inakuwa na wachezaji saba wanaocheza uwanjani ikwa akili, nguvu na maarifa ya kuepa inatakiwa mchezaji akiwa uwanjani.

Mchezo huu wa kabaddi ni maarafu katika jimbo la Punjab na mikoa mingine ya nchini India ambapo kombe hilo la dunia litafanyika katika sehemu tofauti kumi na nne katika jimbo hilo, huku mataifa 13 kutoka sehemu mbalimbali dunia zikitarajiwa kushiriki ambapo kwa upande wa wanaume ni Marekani, Uingereza, Hispania, Denmark, Iran, Argentina, Canada, Kenya, Sweden, Australia, Tanzania, Sierra Leone na India

Vilevile kwa upande wa wanawake timu 10 zitashiriki ambazo ni Marekani, Uingereza, Denmark, New Zealand, Mexico, Kenya, Sierra Leone, Australia, Tanzania na India.

Balozi wa India nchini, Sandeep Arya anasema “Tunafuraha kwani Timu ya Tanzania itashiriki katika sehemu zote mbili, timu ya Wanawake na timu ya Wanaume. Wachezaji watakaokwenda India kushiriki kombe la Dunia la kabaddi kutoka Tanzania ni jumla ya watu 34, pamoja na wanaume 15 na wanawake 13 na makocha 4, mkurugenzi wa timu na viongozi wengine”

Geophrey Edward Mtawa kapteni timu ya wanaume ansema, “tunaenda kushindana siyo kushiriki tu, tumejiandaa vizuri baada ya kupata wakufunzi kutoka india ambao wametukubali japo kambi yetu ilikuwa ni ya muda mfupi lakini tupo vizuri kiujumla”.

Vilevile na Salima Hussein Pontia kapteni wa timu ya wanawake, anasema “timu ya wanawake ipo vizuri tumefanya mazoezi ya kutosha, tumejiandaa kisaikorojia kushindana siyo kushiriki kwa hivyo tunawaahidi watanzania tutarudi na ushindi kwa sababu tumeangalia kupitia mitandao nchi mbalimbali tunazoenda kushindana nazo tukajipima na kufanya mazoezi ya kutosha tunaamini tunaweza kurudi na ushindi”.

Safari na maandalizi ya timu hii kuelekea nchini india imewezeshwa na kudhaminiwa na serikali ya jimbo la Punjab nchini India, kwa muda wa wiki mbili, wakati timu imekuwa ikifundishwa na kufanya mazoezi yake katika kituo cha utamaduni wa India kilichopo jijini Dar’ es salaam ikiwa ni maandalizi ya kombe hilo la dunia.

Hata hivyo Balozi Arya anasema “Tuna imani kuwa kushiriki kwa timu ya Tanzania katika kombe la Dunia la Kabaddi haitosaidia kukua tu kwa mchezo wa Kabaddi ila pia uelewano na ushirikiano kati ya watu wa mataifa haya mawili.”

TODAYS NEWS:                Tunazitakia kila la kheri katika mashindano hayo kwa timu zote za wanaume na wanawake.