MUINJILISTI: Serikali yashauliwa kufuta Kodi!

PICHA: Muinjilisti Daudi Mashimo katika hisia tofauti alipokuwa akiongea na waandishi juu ya kufutwa kodi kwa taasisi za dini nchini pamoja na kumpongeza Rais Magufuri kwa mazuri aliyoyafanya ndani ya mwaka huu mmoja.

PICHA: Muinjilisti Daudi Mashimo akiwaombea baadhi ya waandishi wa habari mara baada ya kuongea nao.

Katika hatua ya kuwaombea waandishi pia aligusia utendaji mgumu wanaopitia waandishi ikiwa ni pamoja kutopewa mikataba au ujira kutokana na baadhi ya wamiliki wa vyombo vya habari kujikusanyia wao mapato huku waandishi wakisahaulika wakati wao ndiyo wanaosababisha upatikanaji wa hizo habari.

Leonard Mutani

TODAYSPRO.BLOGSPOT.COM

Yesu kristo alipatwa kuulizwa na wayahudi je, ni halali kulipa kodi? Jibu lilikuja kutokakana na mazingira ambayo yalipelekea kuonekana ni halali kulipa kodi, maana hata yeye alilipa kodi ya bwana kaisari kwa wakati huo. Ukisoma kwenye msaafu wa Biblia Warumi 13:1-8 inaeleza juu ya ulipaji wa kodi, hiyo inaonekana leo katika maisha ya wananchi wa nchi mbalimbali wanaolipa kodi.

Kodi ndiyo moyo wa taifa lolote linaloendesha serikali iliyo madarakani kuwatumikia wananchi ili kufikia malengo kwenye huduma mbalimbali za kijamii ikiwa na kulipa mishahara ya watendaji pamoja na kununua bidhaa muhimu kama madawa kwa ajili ya hospitali nk.

Wakati Rais John Pombe Magufuri akikaribia kutimiza mwaka mmoja toka alipochaguliwa kuwa Rais, kumekuwepo na watu mbalimbali wanaotoa matamko yenye lengo la kusifu na kuonyesha utendaji mzuri au kumtia nguvu kuwa afanye nini ili afikie mafanikio zaidi.

Kama anavyojiita; Mchungaji wa manabii nchini, muinjilisti Daudi Mashimo kutoka Calvary church amejitokeza na kuiomba serikali ya Rais Magufuli kufuta msamaha wa kodi kwa mashirika na madhehebu ya dini kutokana na kuwa hayana manufaa kwa wananchi, ikiwa ni pamoja na kuwa yanapata faida kubwa kutoka kwenye biashara wanazofanya zisizolipiwa kodi.

Muinjilisti mashimo amekwenda mbali zaidi na kusema ikiwa mashirika na madhehebu ya dini nchini yanamiliki mashule, mahospitali na biashara nyingine nyingi, akitolea mfano wa shule za taasisi za dini, “mashule yao yanatoza ada kubwa kwa wanafunzi wanaosoma kwenye hizo shule ambazo hazilipi kodi wala kulipa ushuru kwa malighafi zinazojengea shule, lakini ndizo zenye bei/ada ya juu kuliko baadhi ya shule zinazolipa kodi na ushuru kwa malighafi za kujengea shule” alisema.

Pamoja na kumuomba Mh. Rais Magufuli kuwa taasisi hizo zilipe kodi, anaelezea ni namna gani baadhi ya watu kwenye madhehebu hayo wanavyofaidika na kutolipwa kwa kodi huku wananchi walio wengi wanaumia na kukandamizwa kutokana na kulipa ada na huduma nyingine kama kwenye hospitali za taasisi hizo.

Hata hivyo anasema “naimba serikali kurudisha kodi ya kichwa, maana vijana wengi hawafanyi kazi wakijua serikali haitawabana hivyo kurudishwa kwa kodi hii itawafanya vijana kuwajibikwa wakijua wana cha kulipa kila baada ya muda flani na serikali isipotii hili, nitaendelea kumuomba Mungu anipe nguvu kulisimamia hili.”

Akitaja 1Samweli 8:1-15 ambayo inaonyesha jinsi watu viongozi walioaminiwa kupewa nafasi ya kuongoza baadaye wanapokea rushwa na kukacha madaraka, mwishowe wanahusiwa juu ya kodi. Muinjilisti Mashimo analibainisha.