BIASHARA: Watanzania kujivunia bidhaa za ndani.

Leonard Mutani
TODAYSPRO.BLOGSPOT.COM

Makamu wa Rais mama Samia Suruhu Hassan ametunuku Tuzo makampuni 50 yanayofanya vizuri katika kusambaza na kuhamasisha watanzania kutumia bidhaa zinazozalishwa nchini.

Katika hafla hiyo iliyobeba kampeni ya FAHARI YA TANZANIA ina lengo la kuhamisisha watanzania kutumia bidhaa za nchini zilizokidhi ubora, kuongeza thamani, utoaji wa huduma, kukidhi matakwa ya soko, ufanisi, ushindani katika soko pia inalenga mauzo ya bidhaa za ndani kuteka soko la bidhaa za nje ya nchi badala ya watanzania kujivunia vya nje ya nchi basi wanapaswa kujivunia bidhaa za zinazozalishwa na viwanda vya ndani.

PICHA:   Mkurugenzi wa tpfs Godfrey Simbeye akiongea katika uzinduzi wa Fahari ya Tanzania.

PICHA:   Makamu wa Rais Samia Suruhu akizindua nembo itakayotumika kuonyesha na kuthibisha bidhaa Fahari Tanzania, pembeni ni mkurugenzi wa TPFS Godrey Simbeye.

PICHA:   Waziri wa viwanda, biashara na uwekezaji Charles Mwijage akizindua nembo, akiwa pamoja na viongozi waandamizi na waandaaji wa FAHARI YA TANZANIA.

PICHA:   Makamu wa Rais Samia suruhu, waziri wa viwanda, biashara na uwekezaji kulia kwa makamu wa Rais Chalres Mwijage, mkurugenzi wa tpfs kushoto kwa makamu wa Rais Godfrey Simbeye wakiwa katika picha ya pamoja wengine na watendaji katika tpfs na tbs mara baada ya kuzindua nembo Fahari ya Tanzania 

PICHA:  Makamu wa Rais Samia suruhu aliyekaa katikati, waziri wa viwanda, biashara na uwekezaji Chalres Mwijage kulia mwa makamu wa Rais, mkurugenzi wa tpfs Godfrey Simbeye kushoto kwa makamu wa Rais, pamoja na wawakilishi kutoka makampuni 50 yaliyotunukiwa Tuzo wakiwa katika picha ya pamoja katika ukumbi wa Mlimani city jijini Dar Es Salaam Tanzania.

Mkurugenzi mtendaji wa tpsf Godfrey Simbeye amebainisha jinsi taasisi hiyo inayoshirikiana na wadau wengine katika sekta ya viwanda wakiwemo tbs kuwa, wajasiliamali nchini wanapaswa kutumia na kutunza utendaji ikiwa ni pamoja na kukuza uzalishaji wa bidhaa ili kufikia viwango.

Dira ya taifa ya maendeleo inaipa nafasi sekta binafsi kwenye uzalishaji ili kuchangia maendeleo ya kijamii na pato la taifa, anasema uchumi utakuwa mpaka kufikia 7.9 kwa mwaka huu, huku Tanzania ikiongoza kwa watalii wengi kuja nchini hii ni kutokana na sekta binafsi zikishiriki kukuza na kutangaza utalii nje ya nchi.

Waziri wa viwanda, biashara na uwekezaji Charles Mwijage (MB) anasema pamoja na wazo la kushindanisha uwezo wa viwanda vyetu vya ndani, sekta binafsi na wazilishaji nchini lilitokana na tbs na tpsf serikali inanafasi kuongeza ubia ili kuonyesha mwanga kwa wazalishaji na kuwapa nguvu itakayoweza kuwanya watanzania wajivunie bidhaa za hapa nchini

Makamu wa Rais mama Samia Suruhu Hassan ambaye alikuwa mgeni rasmi katika utoaji tuzo huo, anafarijika kwa ushirikiano unafanywa kati ya taasisi binafsi na taasisi za serikali ambayo ni hatua nzuri katika kuleta maendeleo ya kweli katika taifa, ikiwa ni utekelezaji wa sera na sheria ya Ushirikishwaji wa Umma katika Sekta Binafsi (Public Private Partnership -PPP)

“natoa wito kwa Taasisi ya sekta binafsi na wadau wote kuifanya kampeni hii kwa bidi na nguvu zenu zote kwa kutoa elimu kwa watanzania wote kuwaeleza kwa kina umuhimu kwa wao kununua bidhaa au huduma zinazozalishwa nchini na kuwakumbusha kuwa kila mara wanaponunua bidhaa kutoka nje moja kwa moja wanatoa ajira kwa vijana, wakulima na wawekezaji wa viwanda kwa nchi ambayo ile bidhaa imezalishwa na kuongeza uchumi wa nchi hiyo, wakati kwa upande mwingine wanawakosesha ajira vijana wetu, soko la mazao ya kilimo na kuendelea kudumaza uchumi wetu na kuwa tegemezi”  alisema Makamu wa Rais Samia Suruhu Hassan.

Pamoja na hilo ameagiza wizara ya viwanda, biashara na uwekezaji ikiwa na pamoja na taasisi zake kushirikiana kwa karibu zaidi na taasisi ya sekta binafsi tpsf pamoja na wadau mbalimbali katika kufanikisha kampeni ya watanzania kujivunia cha kwao “Fahari ya Tanzania” huku wananchi wakitakiwa kutumia fulsa hii kutumia bidhaa na huduma zetu ndani nan je nchi.