SOKO LA KIMATAIFA LA FERI: Wafanyabiashara wa Samaki walalama juu ya gesi.

Ali Mbonde Akionyesha mitungi ya gesi iliyotumika.

 Kanisia Makaso na Roda Kimath

TODAYSPRO.BLOGSPOT.COM

Wafanya biashara  wa soko la samaki fery,  zone namba 6 wanaiomba serikali  kuzungumza na kampuni ya gesi ambayo inatoa huduma kwao katika kuwajengea eneo salama na lenye ukubwa la kuweza kuhifadhi mitungi ya gesi.

Hayo yamezungumzwa na mwenyekiti msaidizi Ali Mbonde wa soko hilo ambaye anasema kuwa chumba kinacho hifadhi mitungi yao sio salama kutokana na eneo kuwa dogo na kupelekea kuganda kwa gesi  hadi  kutolewa nje ili iweze kuyeyuka na kuweza kutumika ambapo hali hiyo ni ya hatari kwa afya za wafanya biashara, wateja na watalii wanaokuja kutembelea soko hilo.

Aidha Mbonde amebainisha kuwa, kupanda kwa gesi  kutoka 70,000 hadi  85,000 imekuwa nichangamoto kwao kutokana na matumizi ya kukaanga samaki pamoja na mafuta wanayo tumia kwa hivi sasa kuwa ni bei juu.

Mitungi ya gesi iliyokaa kwa muda mrefu pasipo kubadirishwa katika soko la samaki feri jijini Dar Es Salaam.

Hata hivyo amewataka wenye makampuni ya gesi kuweza kuwapunguzia bei ili  waweze kutumia mtungi mmoja kwa mtu mmoja na si mtungi mmoja kwa watu  wawili  kama ilivyo sasa hivi.

Baadhi ya wachuuzi wa samaki sokoni hapo wakiandaa samaki kwa ajili ya kukaangwa.