WAIGIZAJI: Waitaka serikali kuwatupia macho.

 

Katibu wa Chama cha Tanzania Drama Film Actors Assosiation ndugu Jaffar Makatu mwenye kibaraghashee akiongea kuhusu mipango ya chama mapema leo.

  

Chama cha waigizaji mkoa wa kinondoni Tanzania Drama Film Actors Association TDFAA Kimeitaka serikali kupitia wizara ya Habari Utamaduni Sanaa na michezo kuharakisha sera ya filamu ambayo itaoanisha mambo mbalimbali ya kisheria katika tasnia ya filam.

Akizungumza na waandishi wa habari mapema leo katibu wa chama Jafari Makatu amesema kuwa, ili filamu na tasnia za nchini zibebe ujumbe ulio bora ni lazima kuwe na sheria za uandaaji wa kazi, masoko, haki miliki na malipo stahiki kwa kila kazi, pamoja na ulazima kwa kila msanii na mtendaji kujiunga na katika vyama husika na kufanya kazi zenye ubora.

Pia amemuomba Mh. Rais John Pombe Magufuri kuwatengea ardhi ya  kuigizia kwa kutengeneza mahakama,vituo vya polisi nk,pia wasanii kuwa na unifomu itakayoweza kuwatambulisha kama vazi maalumu la kipolisi kwa wasanii wa Tanzania ama mwigizaji yoyote atakae kuja kuigiza katika ardhi ya Tanzania.

Hata hivyo wamewataka wasanii wajiunge ndani ya vyama vinavyo wahusu ili wawe na umoja na mshikamano katika kazi za Sanaa na kutokomeza filamu feki.


Habari imeandaliwa na Roda Kimath.