SIASA: ACT Chatoa Muelekeo Kujiunga na Ukawa !!

DAR ES SALAAM.

Chama cha ACT Wazalendo kimefanya mkutano na wanahabari mapema leo na kubainisha kuwa chama hicho kinafanya mikutano ya ndani na viongozi wa vyama vingine nchini ikiwa ni njia mijawapo ya kuungana na kupigania demokrasia nchini.

PHOTO: Katibu wa Itikadi, uenezi na mawsiliano kwa umma Ado Shibu akiongea na wanahabari makao makuu ya ACT Wazalendo jijini Dar Es Salaam.

SOMA ZAIDI.

Akizungumza na wanahabari katibu wa itikadi, uenezi na mawasiliano kwa umma Ado Shaibu amesema desturi ya taasisi mbalimbali za kijamii zikiwepo za kisiasa ni kutoa muelekeo wa taasisi kwa kila mwaka mpya unapoingia.

Katika mkutano huo Ado amebainisha kuwa demokrasia ya kweli sharti ianzie ndani ya chama lakini ni pale wanachama wanapopewa nafasi ya kushiriki kwenye maamuzi na kuchagua viongozi wao kwa mujibu wa katiba ya chama husika.

“kamati kuu ya chama imeazimia kwamba mwaka 2018 uwe wa kuimarisha usiriki wa chama chetu kwenye mapambano ya wafanyakazi. Pia chama chetu kinatarajia kufanya kazi kwa karibu na vyama vya wafanyakazi ili kukabiliana na kero mbalimbali zinazowakabili wafanyakazi” alisema Ado Shaibu.

PHOTO: Kutoka kushoto; Hamad Taho –Katibu wazee ACT (katikati) Ado Shaibu na kulia Tumaini Bigilimana –Diwani diwani jimbo la mhambwe na katibu wa madiwani mkoa wa kigoma.

read more here...

Katika hatua nyingine ACT Wazalendo kinaongeza ushirikiano maradufu na vyama vingine vya upinzani ili kupigania demokrasia na katiba mpya, na kubainisha kuwa bila ushirikiano madhubuti baina ya vyama vya upinzani na wananchi kwa ujumla.

Aliongeza kuwa “serikali ya awamu ya tano imejipambanua bila soni kuwa hodari katika kuivunja misingi ya demokrasia nchini, vita ya kuitetea na kuilinda misingi ya kidemokrasia haiwezi kufanikiwa bila ushirikiano madhubuti baina ya vyama upinzani na wananchi kwa ujumla”.

Aitha kiongozi wa chama hicho cha ACT Zitto Kabwe ameshakutana na kufanya na mazungumzo ya awali na ndg Freeman Mbowe mwenyekiti wa Chadema na ndg Hashim Rungwe, Mwenyekiti wa Chauma ili kuongeza mapambano ya demokrasia.