MAJONZI - II Maelfu wabubujikwa machozi kwenye ibada ya kuaga miili ya wanafunzi, walimu na Dereva.

 Maelfu ya wananchi wa mkoa wa Arusha na wengine kutoka mikoa ya jirani leo walijitokeza kwa wingi kuhudhuria ibada ya pamoja kuwaaga wanafunzi 32 wa shule ya Lucky Vicent waliofariki dunia ajali katika eneo la Rhotia Merera, wilaya ya Karatu siku ya jumamosi asubuhi walipokuwa safarini kwenda kufanya mtihani wa ujirani mwema.

PHOTO: Mmoja wa waombolezaji akifarijiwa na wananchi waliofika katika uwanja wa sheikh Amri Abeid kuhudhulia ibada ya kuwaaga wanafunzi, walimu na dereva waliofariki kutoka na ajali.

PHOTO: Askari wa Jeshi la wananchi wa Tanzania wakishusha majeneza yenye miili ya watoto, walimu na dereva kwa ajili ya ibada kwenye uwanja wa mpira wa Sheikh Amri Abeid kwa ajili ya ibada, mapema leo.

PHOTO: Juu na Chini  Majeneza yakiwa katika meza kwa ajili ya kuagwa katika uwanjani sheikh amri Abeid jijini Arusha kwa ajili ya ibada na  kuagwa.

--------------------------------------------------------------------------------------

PHOTO: Katika hali kama hii uwezi kujizuia kutokana na majonzi hama huzuni inayoweza kujitokeza, hapa mmoja wa waombolezaji alizirai na kupewa huduma ya kwanza.

PHOTO Juu: Wananchi kwa wingi wao hawakujali haya ya hewa iliyokuwa na manyunyu ya mvua wakiwa na huzuni kushuhudia na kwaaga watoto, ndugu hama jamaa zao waliopoteza maisha kutokana na ajali ya gari.

PHOTO Chini: Idadi ya wananchi ilikuwa kubwa kuliko kawaida na yawezekana uwezo wa uwanja huo ulizidiwa japo hakuna taarifa rasmi kutokana na wingi huo wa watu. 

SHORT BRIEFING:

ARUSHA. 

Katika ibada hiyo majeneza 35 yenye miili ya wanafunzi, walimu wawili na dereva aliyekuwa akiendesha basi dogo yalifikishwa katika uwanja wa Sheikh Amri Abeid, kwa ibada ya mwisho ya kuwaaga kabla ya kufanyika mazishi sehemu tofauti.

Katika hali ya kuonyesha huzuni na majonzi shughuli nyingi katika jiji la Arusha zilisimama tangu mapema na hata maduka na biasharanyingine zilifungwa huku watu wengi wakielekea uwanjani kuhudhuria ibada hiyo.

Aitha katika huduma hiyo ya ibada ya jumla Kiongozi mkuu wa serikali aliyehudhulia alikuwa ni makamu wa Rais Bi Samia Suluhu Hassan ambaye alikuwa miongoni mwa viongozi wakuu waliohudhuria ibada hiyo, ambapo katibu mkuu wa CCM Abdulrahman kinana pia alihudhulia ibada hiyo na kwa niaba ya chama alitoa pole kwa wafiwa na watanzania.

Katika salamu za rambirambi na kulihutubia taifa makamu wa Rais Bi Samia amevitaka vyombo husika likiwemo jeshi la polisi kuhakikishe suala la usalama barabarani linapewa kipaumbele. "Nawaasa madereva kuwa makini wawapo barabarani na serikali itaendelea kuboresha miundombinu ya barabara," amesema.

Kwa upande mwingine Rais wa Kenya Uhuru Kenyatta ambaye juzi alilazimika katika hotuba yake kuwaomba viongozi kusimama kwa dakika moja kuwaobea dua marehemu, leo aliwakilishwa na waziri wa elimu wa Kenya Dkt Fred Matiang'I, ambaye alikuwa mmoja wa wageni kutoka nje ya Tanzania waliohudhuria ibada hiyo, ambapo amewapa pole Watanzania kwa msiba huo.

"Kenya itaendelea kuwa pamoja nanyi kwenye kipindi hiki kigumu cha msiba huu mzito uliowafika, msiba huu si wa Tanzania peke yake ni wa wote hata kwetu Kenya Rais Kenyatta na mkewe wanawapa pole sana na kuwaombea," amesema.

Naye Rais Magufuli kupitia ujumbe kwenye Twitter, ameelezea, jinsi alivyopatwa na huzuni kutokana na ajali hiyo.alisema "Nimepatwa na uchungu na majonzi makubwa ninapoyaona majeneza ya watoto na walezi wao waliopoteza maisha katika ajali ya basi huko Arusha. Tumewapoteza mashujaa wetu katika elimu,"

Rais Magufuli, akituma salamu za rambirambi Jumamosi alisema, ajali hiyo imezima ndoto za watoto waliokuwa wakijiandaa kulitumikia taifa na imesababisha uchungu, huzuni na masikitiko makubwa kwa familia za marehemu na Taifa kwa ujumla."

"Muhimu kwa sasa tuwaombee marehemu wote wapumzishwe mahali pema, majeruhi wapone haraka na wote walioguswa na msiba huu wawe na moyo wa subira, ustahimilivu na uvumilivu katika kipindi hiki kigumu."

Kwa upande mwingine wabunge wamekubali kukatwa posho za siku mbili kwa ajili ya kutoa rambirambi kwa wazazi wa watoto hao, ambapo kwa siku mbunge hulipwa Sh 220,000 kama posho ya kikao kimoja, pia makampuni mengine yaliyochanga ni, Kampuni ya Ngorongoro wametoa 15mil, Tanapa 20mil, AICC 5mil, Jiji la Arusha 5mil na  Auwasa 1mil.

Pia kulikuwa na wawakilishi wa Walimu 30 toka serikali ya mapinduzi Zanzibar katika maombolezo hayo na vikosi vyote vya usalama likiwemo jeshi la Magereza, jeshi la wananchi na Polisi walishiriki katika maombolezo hayo.

Source: lBBC