WAZIRI MKUU: Atoa siku kupewa taarifa.

Mnyama aina ya Faru.

Waziri Mkuu Kassim Majaliwa Atoa siku kadhaa kupewa taarifa.

Tanzania imebahatika kuwa moja kati ya nchi zenye maliasili nyingi na vivutio vya kila aina huku wakiwepo wanyama wa aina mbalimbali wanaopatikana hapa na kutokuwepo mahali pengine duniani.

Hifadhi ya Ngorongoro ni eneo ambalo linavutia kutalii na dilo eneo pekee nchini ambapo mnyama aina ya faru wanapatikana kwa wingi porini, ngorongoro ipo ndani ya kreta, inakadiriwa idadi ya faru waliopo katika hifadhi hiyo ni takriban 35.

Waziri Mkuu Kassim Majaliwa.

Katika ziara yake hivi karibuni Waziri Mkuu Kassim Majaliwa amewataka maafisa Mamlaka ya Hifadhi ya Ngorongoro kutoa ufafanuzi kuhusu kuhamishwa kwa faru maarufu kwa jina la John kutoka kwenye hifadhi hiyo.

HABARI KWA UNDANI:

Bw Majaliwa amewataka viongozi wa Ngorongoro kuwasilisha kwake nyaraka zote zilizotumika kumuhamisha faru huyo kufikia alhamisi ambapo alisema ana taarifa kuwa faru huyo alihamishwa kwa siri na kupelekwa Grumeti kwenye eneo la Serengeti mnamo 17.12.2015.

Waziri mkuu alisema "… mliahidiwa kupewa shilingi milioni 200 ambapo mkapewa shilingimilioni 100 kwa ahadi ya kumaliziwa shilingi milioni 100 nyingine baadaye,"

Kwa mujibu wa gazeti la Daily News Waziri mkuu Majaliwa alisema kwa miezi mitatu sasa, hakuna taarifa zozote kumhusu faru huyo ambazo zimetolewa ila alisisitiza kwa kusema; "Naomba niletewe nyaraka zote zilizotumika kumuomba na kumuondoa faru huyo na barua zilizotumika kujadili suala la faru John. Nasikia amekufa naomba pembe ziletwe ofisini na iwapo itathibitika aliondoka bila ya kufuata taratibu wahusika wote watachukuliwa hatua kali za kisheria,".

Katika hatua nyingine Mh. Majaliwa pia alimsimamisha kazi Mhasibu Mkuu wa hifadhi ya Ngorongoro  Sezzary Simfukwe kutokana na tuhuma za ubadhilifu wa fedha zinazomkabili. Sezzary kwa sasa, anahojiwa na Taasisi ya Kuzuia na Kupambana na Rushwa (Takukuru).

"Haiwezekani mtumishi awe anachunguzwa na Takukuru halafu aendelee kuwa ofisini si atavuruga uchunguzi. Asimamishwe kazi kuanzia leo mpaka hapo uchunguzi utakapokamilika na aikibainika kwamba hana hatia atarudi kazini," Mh. Majaliwa alisema.