UZINDUZI: Picha 17 za kituo kipya jijini Dar Es Salaam

Waziri wa fedha na mipango Mh. Philip Mpango pamoja na viongozi waandamizi wakikaribia sehemu maalum kwa ajili ya kukata utepe kuashilia ufunguzi wa kituo cha mikutano na taaluma ya uhasibu Bunju jijini Dar Es Salaam.

Mh. Philip Mpango (wa pili kuli) akikata utepe kwenye kibao maalum kinachotambulisha ufunguzi rasmi wa kituo hicho cha elimu ya uhasibu kilichopo nje kidogo ya jiji la Dar.

Wakipeana mikono huku wakiwa na nyuso za furaha, wa kwanza kushoto ni Joyce Shaidi Mwenyekiti wa bodi ya GEPF, Mkurugenzi mtendaji wa NBAA Pius Maneno, Waziri Philip Mpango, wa mwisho kushoto ni Mbunifu wa majengo Beno Matata

Jiwe la Ufunguzi wa kituo.

Waziri Mpango, watatu kushoto akiangalia moja ya ukumbi uliopo katika katuo cha mikutano na taaluma ya uhasibu, ukumbi huo unan uwezo wa kuchukua watu 80.

Lango kuu la kuingilia katika kituo cha mikutano na taaluma ya uhasibu kilichopo nje kidogo ya jiji la Dar Es Salaam katika eneo la Bunju A.

Kwa nje ukiwa unatoka sehemu ya kuegeshea magari unaonana na muonekano huu kwa upande wa kaskazini ukiwa unaingia kupitia lango kuu.

Ukiingia geti kuu upande wa kushoto kuelekea vilipo vyumba ukiwa unatembea na kugeuka gafla macho yataonana na mazingira haya ukiangalia mlango wa kuingia ukumbi mkubwa.

Wakati mwingine kuogelea kwenye maji chumvi baharini unakuwa na hofu au kuogopa kunakotokana na kukosa uzoefu wa maji chimvi, hapa kwenye kituo wamekuwekea bwawa la kuogelea lenye kina tofauti.

Kwa mbali ni majengo ya vyumba vya hotel ambavyo vinafikia 108 ambavyo ukiwa ndani unatizamana na bahari ya hindi kama hipo karibu nawe.

Hii ni sehemu ya kuingilia kwenye kumbi za mikutano, hapa ni moja ya njia kuelekea kwenye ngazi ndipo uingie ndani, kama kwenye mwamba lakini ni ubunifu wa watanzania wazalendo

Hapo ni sehemu ndogo tu ya ukumbi huu mkubwa unaochukua watu zaidi ya 900 kwa mara moja wote wakiwa wamekaa na kufuatilia tukio lililowafanya kuwepo ndani hapo.

Hizi zinazoonekana ni sehemu ya kurushia picha, sinema au kufundishia zimewekwa mbili kubwa mtu yeyote hashindi kufuatilia tukio kwa kutumia screen hizo.

Wahasibu na wanataaluma wakiwa wameketi ndani ya ukumbi huo wenye kila aina ya huduma. Kwenye vioo kwa juu ni sehemu wanapokaa waongozaji wanaoweka sawa vipaza sauti na mambo ya usalama.

Kumbi nyingi zinakuwa na shida ya sehemu ya kuchaji simu au kompyuta mpakato, ndani ya ukumbi huu wamekuweka kiti kimoja sehemu mbili za kuchajia, ukiwa unaingia unakuwa kwa juu na mbele kunaonekana kwa chini.

Wakati kumbi nyingi zikiwa na kikuza picha (projector) ambazo ufungwa na kuning’inia juu wakati wote, projector za ukumbi huu yawezekana ni za kipekee jijini Dar Es Salaam, hizi zinaishi ndani ya dari na pale zinapotakiwa kutumika ndipo hushuka kwa kutumia kiongoza uthibiti (remote control) kutoka ilipo inapotakiwa.

Huu ni moja ya kumbi nyingine ndogo ndogo zilizopo katika kituo hicho, huu unauwezo wa kuchukua watu zaidi ya 500 kwa mara moja, lakini pia umeunganishwa kimawasiliano na ukumbu mkubwa ili ukiwa hapo usipiotwe na kinachoendela kutokea ukumbi mkubwa.