Serikali Haitawavumilia Mafisadi –PHILIP MPANGO

Waziri wa fedha na mipango Mh Philip Mpango kulia akisaini kitabu cha wageni mara baada ya kuwasili na kulia kwake anayeshuhudia tukio hilo ni Mkurugenzi mkuu wa NBAA Pius Maneno.

Wakiwa tayari kufungua mkutano mkuu wa mwaka kushoto ni mkurugenzi mkuu wa NBAA Pius Maneno waziri Mpango (katiakati) na Mwenyekiti wa bodi GEPF Joyce Shaidi.

Msanii wa kugani mashaili kwa asili mrisho mpoto alikuwepo kuwapatia vionjo wahasibu, wageni, na mgeni rasmi kushoto kwake ni Banana Zahir Zoro akipokezana kwenye chorus ya wimbo wa kuisifia GEPF kwa kazi nzuri kuwekeza eneo hilo.

Mkurugenzi Mkuu wa NBAA Pius Maneno akitoa maelezo ya mwanzo kuhusu uwekezaji huo mkubwa wakati wa kuanza rasmi shuguli ya uzunduzi na kufungua mkutano mkuu wa mwaka wa wahasibu.

Mh. Waziri wa fedha na Mipango Philip Mpango (kulia) akiwa tayari kutoa hotuba kwa niaba ya waziri mkuu Kassim Majaliwa, ambapo aliweza kubainisha mambo kadhaa yanayohusu ufisadi huku akitaka kutumia vifaa hivyo kwa kuvitunza.

Wahasibu na wataalam wa mahesabu wakipiga makofi kupongeza hotuba yam h waziri mara baada ya kumaliza hotuba.

Mwenyekiti wa bodi ya GEPF Joyce Shaidi akimalizia kwa kusoma hotuba iliyobeba ujumbe kwa kuishukuru serikali kuunga mkono jitihada za taasisi zake kupitia uwekezaji lakini kuelekea uchumi wa viwanda.

Picha ya pamoja ya wakurugenzi wa mashirika yaliyoudhulia uzinduzi wa kitegauchumi hicho wakiwa pamoja na waziri wa fedha na mipango wane kutoka kushoto katika picha ya pamoja mara baada ya ufunguzi wa kituo na kufungua mkutano mkuu wa mwaka wa wahasibu.

HABARI KWA UNDANI:

Uzinduzi wa kituo cha kisasa cha mikutano chenye hadhi ya kimataifa kilichoko nje kidogo ya jiji katika eneo la Bunju, umefanyika huku waziri mkuu Kassim Majaliwa akitarajiwa kufungua kituo hicho kilicho na majengo ya hotel kama yanavyoonekana pichani.

Mkurugenzi mtendaji wa NBAA Pius Maneno anasema sheria ya mashirika ya umma ya mwaka 1973 iliyofanyiwa marekebisho 1995 ndiyo iliyopelekea kuwepo kwa kituo hicho chenye ukubwa wa heka 59654, ambapo ujenzi wake ulitarajiwa kutumia shs 14bilioni lakini kutoka na kuchelewa kukamilika umetumia shs 33 bilioni, katika hatua nyingine unalenga kupunguza garama kutokana na ukodishaji wa kumbi za mikutano, vyumba kwa garama ndogo na katika eneo hilo kuna.

Moja wa kumbi katika kituo hicho una uwezo wa kuchukua watu 900 kwa mara moja huku kumbi nyingine zikiweza kuchukua mpaka watu 600, ambapo kuna vyumba vya kulala 108 vinavyotoa huduma ndani kwa ndani (self-container) na viwanja vya michezo nk.

Kituo hicho kinamilikiwa kwa ubia kati ya GEPF na APC, pamoja na kuwepo kwa changamoto kadhaa kama uchelewaji kwenye kuanza kazi, ukosefu wa maji ya uhakika, kituo hicho kilichobuniwa na wataalam wazalendo, kinatarajiwa kutoa huduma kwa watazania wote.

Naye mwenyekiti wa NBAA Isaya Jairo ameshukuru serikali kupitia taasisi zake kuweza kutoa fedha na kushiriki katika kuwekeza kwa fedha nyingi katika eneo hilo, huku akiona haja ya utaalamu na ushauri kutoka serikali una nafasi muda na wakati wote, pia alibainisha changamoto kadhaa kwa nbaa kukosa wafanyakazi wanaojitosheleza akitoa mfano uhitaji wa wafanyakazi 75 lakini kwa sasa wana wafanyakazi 52 ikiwa ni pungufu.  

Akizungumza mara baada ya uzindua kwenye jiwe la msingi la kituo hicho pamoja na mkutano wa mwaka wa wahasibu, kwa niaba ya waziri mkuu, waziri wa fedha na mipango Philip Mpango amebainisha mambo kadhaa ambayo yanapaswa kufanywa ili kukiwezesha kituo hicho kufikia malengo ambayo GEPF na mshirika wake katika kituo hicho APC wanatarajia kupata.

Akigusia taaluma ya uhasibu ambayo serikali inaitambua kwa maana ndiyo inahusika katika kuangalia na kutunza fedha, amesema “taifa linaona matunda yake kupitia wahasibu waliopo katika sekta mbalimbali za serikali na watu binafsi,pamoja na kuwa bado ni wachache, tunajivunia kwa hao japo CPA inabidi ijitathini kuongeza wigo.”

Waziri mpango amekwenda mbali kwa kusema, baadhi ya wahasibu wanatumia nafasi zao kuwaibia watanzania kwa kutumia kalamu na komputa, “hivyo basi utajiri wa kutumia ufisadi kwa kujitajilisha haukubariki hata kidogo, na machozi ya watanzania yatawafuata mpaka huko kaburini, Japo serikali inayoongozwa na Rais John Pombe magufuri haitasubiri mpaka ufe, bali tutawatumbua wakiwa hai.”

Lakini pia ameshauri NBAA kuwafuta na kuwafukuza wale wote wanaojiusisha na tabia ya kifisadi na kutafuta utajili kwa haraka maana wanachafua kada  na taaluma ya uhasibu.