KIMATAIFA: Trump akataa ndege.

Rais mteule wa Marekani Dornald Trump.

Baadhi ya viongozi wa mataifa mengine duniani wakipokea kwa mikono miwili usafiri wa angani kwa matumizi yao wakiwa watawala, rais mteule wa Marekani Donald Trump amesema anataka kufuta ombi la ununuzi wa ndege mpya za Air Force One ambazo hutumiwa na marais wa Marekani.

Serikali ya Marekani iliingia kwenye mkataba na kampuni ya Boeing kuundiwa  ndege mbili au zaidi zitakazotumika kuwabeba marais, ndege hizo zinatarajiwa kukamilika na kuanza kutumiwa mwaka 2024.

Aina ya ndege za Boeing ambazo Trump anaeleza kuzikataa.

Wiki sita kabla ya kuingia madarakani, aliandika kwenye Twitter: "Boeing wanaunda ndege mpya aina ya 747 Air Force One za kutumiwa na marais siku zijazo, lakini gharama yake ni kubwa sana, zaidi ya USD 4 billioni. Futa oda hiyo!"

Hisa za kampuni hiyo ya ndege ya Boeing zilishuka kwa zaidi ya 1% baada ya ujumbe huo wa Trump kwenye Twitter, ingawa zilijikwamua baadaye alasiri, Trump hatarajiwi kutumia ndege hizo mpya, iwapo hatashinda uchaguzi wa muhula wa pili mwaka 2020.

Kwa sasa anatumia ndege yake binafsi, lakini atakapokuwa rais atahitajika kutumia ndege za Air Force One, ambazo ni moja ya mipango ya serikali ya Marekani kwa viongozi wake wakuu wan chi kutumia ndege hizo sababu zimeimarishwa kwenye mifumo ya usalama, ulinzi na mawasiliano.