AFYA: Ujauzito hubadilisha ubongo wa mwanamke

JAMII:

Kila kukicha kukemkuwa na tafiti lukuki zinazokuja na matokeo yanayoonesha kile wanachoamini watoa utafiti huo, hata hivyo wanasayansi wanasema kuwa ujauzito hubadilisha ubongo wa mwanamke, kwa kipindi mpaka kufikia miaka miwili.

Kiwango cha homoni huongezeka kwa kiwango kikubwa pale mwanamke

anapokuwa na mimba.

Wanasema uja uzito hupunguza seli za ubongo kwenye baadhi ya sehemu za ubongo wa mwanamke, ili kumuwezesha kuhusiana vema zaidi na mtoto na kujiandaa kwa majukumu yake kama mama.

Uchunguzi ulifanywa kwa wanawake wapatao 25 waliokuwa wameshika mimba kwa mara ya kwanza ulionyesha mabadiliko hayo kwenye ubongo kudumu kwa hadi miaka miwili baada ya mwanamke kujifungua.

Watafti hao wanasema vipimo vya sehemu tofauti za ubongo hubadilika kipindi hicho, sawa na inavyofanyika mtu anapovunja ungo, lakini hawakupata ushahidi wowote wa kuathirika kwa uwezo wa mwanamke kuweka kumbukumbu ambapo wanawake wengi husema huwa wanajihisi kuwa wasahaulivu na kuwa wepesi wa kuekwa na hisia wakati wanabeba mimba.

Mabadiriko hayo kwenye ubongo yanaaminika kuwaandaa wanawake

kuwa na uhusiano mwema na watoto wao.

Watafiti kutoka vyuo vikuu vya Universitat Autonoma de Barcelona na Leiden walichunguza ubongo wa wanawake kabla ya kushika mimba, muda mfupi baada ya kujifungua na miaka miwili baadaye kuangalia mabadiliko kwenye ubongo.

Walilinganisha mabadiliko hayo kwenye ubongo wa wanawake na ubongo wa wanaume 19 waliokuwa ‘baba’ kwa mara ya kwanza, wanaume 17 ambao hawakuwa na watoto na wanawake 20 ambao hawajawahi kujaliwa kupata watoto, walishuhudia kupungua sana kwa seli za ubongo katika maeneo ambayo hutumiwa na ubongo kuhusiana na watu wengine.

Wanasema mabadiliko hayo huenda ni ya kuwafaa wanawake kwa njia kadhaa zikiwemo kuwawezesha kupangia mahitaji ya watoto wao, kuwa na ufahamu zaidi kuhusu hatari kwa watoto wao kutoka kwa jamii na pia kuwawezesha kuwa na mahusiano zaidi na watoto wao.

Source BBC NEWS