MALAWI: Hatimaye yapata neema.

Mwananchi akiwa katika kambi mara baada ya makazi yao kukumbwa na dhahama ya mafuriko nchini humo akijishugulisha na upepetaji wa chakula.

Kumekuwepo na mikutano mikubwa kadhaa barani Afrika inayolenga kuangalia ni njia gani inayoweza kusaidia kupunguza ukosefu wa chakula hama kuongeza upatikanaji wake ili kufidia mapungufu yanayojitokeza mathalani katika baadhi ya nchi zinazokumbwa na janga la njaa.

Rais wa Malawi Peter Mutharika

Nchini Malawi Rais Peter Mutharika amesema nchi yake hivi sasa imepata chakula cha kutosha kinachoweza kulisha nusu ya idadi ya watu nchini humo ambao walikuwa wanahitaji msaada wa chakula.

Akilihutubia taifa kwa mara ya pili tangu mwezi mei mwaka huu, amesema anafahamu maumivu wanayokabiliana nayo wananchi wengi na anaelewa kwamba kuna hali ya kutokuwa na uvumilivu wa kuondokana na changamoto zinazowakabili kwa sababu taifa linaathiriwa na umaskini wa miaka mingi.

Wananchi wakipita katika moja ya maeneo ya mashamba yaliyokumbwa na ukame kutokana na uhaba wa mvua mara baada ya mvua za El nino zilizopelekea uharibifu wa mazao na maeneo kukosa mvua za kutosha na kupelekea kukausha mazao.

Nchi ya Malawi imekumbwa na tatizo kubwa la ukosefu wa chakula tangu kuwahi kutokea kwa muongo mzima uliopita. Watalaamu wa masuala ya hali ya hewa na kilimo wanasema hali hii kwa kiasi kikubwa imetokana na mvua za El Nino ambazo zimesababisha ukame na mafuriko ambayo yameathiri mazao kwa miaka miwili iliyopita.

Ripoti ya hivi karibuni kutoka kwa kamati ya tathmini imeonyesha kwamba wananchi zaidi ya milioni 6.5 ambayo ni sawa na nusu ya idadi ya wananchi wote wa Malawi, wamekumbwa na njaa hivyo kupelekea kuhitaji msaada wa chakula.