HAKI: Wanawake kataeni kunyanyaswa.

Faraja Kota Akikaribisha wageni katika kongamano la kinamama la siku 16 za kupinga uonevu dhidi ya mwanamke unakoma.

Kess Greonerndijk wa kituo cha huduma za kisheria akiongea na kinamama kuhusu Afrika kwa nini kituo chake kinaunga mkono jitahada za kinamama, kwa hapa Tanzania serikali imeonyesha kuwaunga mkono wanawake hata katika nyanja za uongozi hii inaonyesha haki za wanawake kupewa kipaumbele siyo tu katika siasa hata katika nyanja za maendeleo.

Wana-kongamano waliohudhulia kongamano la wanawake kitaifa lililofanyika jijini Dar Es Salaam katika ukumbi wa kimataifa wa Kisenga LAPF wakisikiliza mada kutoka kwa viongozi watendaji.

Mtendaji mkuu Taasisi ya kisheria ya wanawake Tike Mwambipile ambaye akitanabaisha Malengo ya kongamano hilo  ambalo linawaleta wanawake wote nchini kujadiri na kuona jinsi ya kutatua changamoto zao..

Baadhi ya wanawake waliohudhulia kongamano la wanawake kitaifa lililofanyika jijini Dar Es Salaam katika ukumbi wa kimataifa wa Kisenga LAPF wakisikiliza mada kutoka kwa wageni.

Mgeni rasmi ambaye ni spika mstaafu wa bunge la jamhuru ya muungano la Tanzania  Anna Makinda ameweza kuwahasa wanawake na kuweka uhalisia lakini pia katiba ilivyokuwa au jinsi inavyotakiwa kufanyiwa marekebisho kwa baadhi ya vipengere vinavyowanyima wanawake kama kusoma na umiliki.

Mwanamziki wa nyimbo za kiasili nchini Mrisho mpoto kushoto akitumbuiza wakati wa kongamano hilo, akiwasilisha moja ya beti za wimbo na kulia ni igizo lililogusa nyoyo za watu kuhusu kinamama wanaonyanyaswa kutokana na mali (assets) mara baada ya waume zao kufariki

Viongozi waandamizi wa baadhi ya taasisi zinazoshugulika na haki za wanawake nchini kutoka kulia ni Edda Mlaki, Kejo Bisimba, Anna Makinda na Dr. Jidith Udunga wakisikiliza wimbo na kuangalia igizo kutoka kwa msanii wa nyimbo za kiasili Mrisho Mpoto.

Baadhi ya wanafunzi kutoka chuo cha ufundi Temeke walioudhulia kongamano hilo ili waweze kujifunza na kupata hamasa kuhusu haki zao zitakazowafanya kuvuka hatua moja kwenda nyingine.

Mama Kejo Bisimba kushoto mkurugenzi wa (LSF) Kess Greonerndijk kushoto na katikati ni Edda Maliki wakiteta jambo mara baada ya mapumziko mafupi wakati wa kongamano hilo.

Picha ya pamoja ya viongozi waandamizi kutoka kushoto ni Laulentia Msangi, Mkurugenzi wa LSF Kess Greonerndijk, Dr Judith Udunga Mkurugenzi WILDAF, Spika mstaafu Anna Makinda, Kejo Bisimba, Scolastika Julu na Edda Maliki wa TWECE na wengine waliosimama nyuma ni viongozi wa taasisi mbalimbali waliohudhulia kongamano hilo lililofanyika jijini Dar Es Salaam.

HABARI KWA UNDANI:

Sheria inalenga kuweka uhuru na haki kwa kila mtu ili asiweze kuonekana na kosa lakini pia inalenga kutoa haki sawa kwa kila binadamu.

Serikali imeshauliwa kushirikiana na Taasisi mbalimbali za kisheria jambo ambalo litasaidia kutoa msaada wa kisheria kwa wanawake hususani suala la ukatili wa kijinsia ambalo limekuwa sugu katika mikoa mbalimbali nchini.

Akizungumza wakati wa ufunguzi wa kongamano la kitaifa la haki za wanawake spika mstaafu wa Bunge la Jamhuri wa Muungano wa Tanzania Anna Makinda amewataka wanawake kujitambua na kuijua sheria ili wapate nguvu ya kujitetea itakayowasaidia kupata haki zao.

Hata hivyo ameiomba serikali kufanya jitihada kubadirisha sheria ya mwaka 1971 kutokana na sheria hiyo kuwabeba wanaume katika masuala mazima ya haki ikiwemo mirathi, vilevile amesema wanawake wana matatizo ndani ya Ndoa  hivyo kuna umuhimu wa kuweka sawa ili kuondokana na matatizo yanayoweza kujiutokeza.

Akitoa moja ya unyanyasaji aliowahi kushuhudia katika mkoa mwanza huko ukerewe Spika huyo mstaafu anasema, "kuna kitendo cha mwanamke kutakaswa pale anapofiwa na mumewe, hii ni tabia mbaya sana inapaswa kupigwa vita kwa nguvu zote", pamoja na hilo amegusia tabia ya wanaume wa mkoani Iringa ambao uwaambia wake zao wanapokuwa wananyonyesha wasiwanyonyeshe watoto moja ya ziwa ili atokapo kulewa naye aje anyonye ili kupunguza pombe aliyokunywa!!.

Na ikiwa ni kumuwezesha mwanamke kujitambua, Sheria na huduma mbalimbali ikiwa ni pamoja mambo yuanayomnyima mwanamke maendeleo pamoja na kumuwezesha mwanamke kielimu na kupitia taarifa.

Kituo cha huduma za haki kisheria nchini (LSF) mara kadhaa kimekuwa mstari wa mbele kuwawezesha wanafunzi ikiwemo wale wanaoshindwa kutimiza malengo yao kama wanafunzi wasio na uwezo wa kufikia matamanio ya mafanikio kielemu hususani waliofiwa na wazazi wao na kukosa mlezi wa kumpa nafasi kusoma.

Mwanamke anapaswa kuwezeshwa kuhusiana na haki zake, ajitambue, ajiamini na asimamie haki yake.