SHAMBULIZI: Msafara wa misaada walipuliwa!

Misaada ni jambo la kawaida kwa mtu au taifa lolote duniani hasa pale panapokuwepo na majanga ya kibinadamu au hata yale yaliyosababishwa na binadamu moja kwa moja, na lengo la msaada unaletwa kutokana na janga la kibinadamu mara nyingi upewa nafasi kumfikia mlengwa kwa namna yoyote, iwe ni ulinzi au kutumia njia itakayoweza kuwafikia walengwa.

MOJA KATI YA MAROLI YALIYOKUWA YAMEBEBA SHEHENA YA MSAADA< BAADA YA KULIPULIWA

Hali ni tofauti pale kunapotokea shambulizi juu ya chombo kilichobeba msaada, nchini Syria msafara uliokuwa umebeba vyakula na vitu vingine kwa ajili ya watu waliokumbwa na vita umeshambuliwa na ndege za kivita Jumatatu ya wiki hii katika mji wa Beirut.

Taarifa iliyotolewa na Umoja wa mataifa inasema watu kadhaa wamekufa na wengine kujeruhiwa wakiwa na hali mbaya. Vilevile msemaji mkuu wa umoja wa mataifa  Stephen O’Brien amesema katika ripoti inayoelezea kuwa watu kadhaa wameuwawa na wengine kuumia  sana katika msafara huo akiwemo na Msiria anayehudumu kwa kujitolea. (Volunteer)

PICHA: Kijana akiendesha baiskeli pembeni mwa moja ya roli la msaada lililolipuliwa.

Wakati mapigano nchini Syria yakichukua muda mrefu huku wananchi wakiendelea kutaabika, taarifa nyingine iliyosema, Rais Bashir Assad hayupo makini wala kujitoa kwa nia halisi, badala yake amekuwa akidhoofisha hali ya usalama, pamoja na kuwa angeweza kutoa msaada wa msafara huo kufika kule unapokwenda, ilisema taarifa hiyo.