 |
| PHOTO: Mwenyekiti wa Jumuiya ya
wazazi Taifa na Mbunge Abdallah Majura. |
Mwenyekiti wa jumuiya
ya wazazi Taifa na mjumbe wa mkutano mkuu
wa chama cha Mapinduzi NEC Abdallah Majura Burembo amefanya mkutano na
wanachama, wajumbe, viongozi, madiwani, makatibu na viongozi wa serikali ambao
ni wanachama wa chama cha mapinduzi mjini Dodoma kwenye ukumbi wa makao makuu
ya CCM mjini Dodoma mapema leo.
 |
| PHOTO: Katibu wa CCM Dodoma mjini Jamila akimkaribisha mwenyekiti na Mbunge Burembo katika mkutano huo. |
 |
PHOTO:
Mbunge
wa Dodoma mjini Anthony Mavunde akiongea na wanachama na viongozi wa CCM
Manispaa ya Dodoma, ambapo ameahidi kuwawekea TV kubwa katika uwanja wa Nyerere
Square.
|
 |
PHOTO:
Mkuu
wa wilaya ya Dodoma Christina Mndeme akitoa salamu kwa wanachama na kuwataka
kuwa na imani na serikali inayoongozwa na Rais John Pombe Magufuri.
|
 |
PHOTO:
Mwenyekiti
wa CCM Dodoma mjini Paul Luhamo, akiongea na hadhira juu ya Rais kuivunja cda kisha kusoma TAMKO rasmi la kumshukuru Rais Magufuri kwa kuvunja cda.
|
 |
PHOTO:
Baadhi ya wanachama na viongzi wa CCM manispaa ya Dodoma wakimsikiliza Mwenyekiti wa Jumuioya ya wazazi Taifa na Mbunge Abdallah Burembo (hayupo pichani)
|
 |
PHOTO:
Mwenyekiti
wa Jumuiya ya wazazi na Mbunge Abdallah Majura (katikati) Burembo akisalimia na
mzee Lusinde (kulia), akiwapa maelezo ya kina viongozi juu ya uchaguzi wa ndani
ya chama.
|
DODOMA.
Katika mkutano huo
uliohudhuliwa na viongozi hao umelenga kuwaweka wanachama kujitoa kuwania
nafasi za uongozi kuanzia na uchaguzi wa serikali za mitaa na kukukitumikia
chama pamoja na katika mabadiriko makubwa yanayofanywa ndani ya chama cha mapinduzi
kwa sasa.
Mh. Burembo ambaye pia ni
Mbunge wa Bunge la Jamuhuri ya Muungano wa Tanzania ambaye aliteuliwa na Rais
John Pombe Magufuri ameongea na viongozi mbalimbali waliofika kumsikiliza ikiwa
ni mojawapo ya ziara yake nchini na kwa manispaa ya Dodoma ikiwa ni wilaya ya
mwisho kumalizia ziara mkoani Dodoma.
Kupitia mkutano huo
amewataka madiwani waliopo manispaa ya Dodoma kujitathimini kwa nini kunakuwa
na migogoro kati yao na ambayo ndiyo chanzo cha matatizo yanayoweza kuleta
mtifuano na kusababisha wapinzani wa CCM kupata upenyo wa kuinga kupitia migogoro
hiyo ya ndani ya chama, “tangu uchaguzi kumalizika hakuna kiongozi ambaye aliwahi
kumtembelea kiongozi mwenzake aliye chini hama juu yake, na kama yupo basi
asimame mbingu imuone” alisema
Burembo.
Pia amesisitiza umoja
na ushirikiano ndani ya chama ili kujenga msingi na imaya ya chama kwa wakati
ujao, “haiwezekani Rais apokelewe na Meya wa upinzani haiwezekani hata kidogo,
tunayo nafasi na muda wa kuweka misingi imara kwa wakati ujao sasa ili hili
lisitokee”
Kutokana na baadhi ya
wanachama kupendekeza wagombea wao katika nafasi za uongozi Mh. Burembo alisema
“kuna watu
wanasema nina mtu wangu, mtu wako ni mkeo tu ambaye mnaweza kupanga naye maze mtoto,
lakini hata huyo mtoto lakini hata kumbuka hata huyo mtoto akizaliwa siyo wako
ni mali ya serikali, ndani ya CCM mpya hakuna mtu wangu”
Amewata viongozi
kujitambua kuwa wao ni jalala, maana kila mtu anakuja kwako kutaka huduma na
hitaji lililo juu hama chini yako na inakupasa ufanye jitihada kumsaidia.
Naye mkuu wa wilaya ya
Dodoma Christina Mndeme akitoa salamu zake kwa Mwenyekiti wa jumuiya ya wazazi
na Mbunge Burembo, amemshukuru Rais na mwenyekiti wa CCM John Magufuri kwa
uhamuzi mujarabu wa kulindoa dudu lililowaumiza wananchi ‘CDA’
na kusema hatua hiyo inampa nguvu kutokana na malalamiko lukuki aliyokuwa
anapoke kila uchao.
Vilevile mbunge wa Dodoma
Anthony Mavunde pia amemshukuru Rais kwa kutekeleza moja ya ahadi zake za kuivunja
cda na ambapo katika kipindi cha uchaguzi alionekana kuwa mmoja wa viongozi “waliosadikika”
kuwa upande wa cda hivyo baadhi ya wananchi kumuona ni kibaraka wa udhalimu
uliokuwa unafanywa na cda.
Post a Comment