AFYA: WHO yasema virusi bado vipo.

Watoto kuzaliwa kuwa si wakawaida na vichwa vyenye muonekano tofauti. 

Japokuwa maafisa wa afya ya jamii na watafiti wamefanikiwa katika kuelewa na kudhibiti virusi vya Zika, shirika la Afya duniani (WHO) linasema virusi hivyo vitaendelea kuwepo kwa muda mrefu na lazima ushughulikiwe likiwa kama tatizo la muda mrefu.

Mambo kadha machache yalijulikana kuhusu ugonjwa huo wakati shirika la Afya duniani WHO lilipotangaza virusi hivyo kuwa ni tatizo la dharura kimataifa kwa afya ya jamii ya mnamo mwezi Februari mwaka huu.

Toka wakati huo, idara ya Umoja wa Mataifa inayoshugulikia majanga ya dharula limejifunza kwamba, virusi hivyo vitaendelea kusambaa na kusababisha tatizo lijulikanalo kitaalam “microcephaly” linalosababisha ubongo kutokuwa wa kawaida kwa watoto wachanga.

Aina ya mbu anayeharibu ubongo wa mtoto na kusababisha madhara.

Kwa upande mwingine mkurugenzi mtendaji wa WHO anayeshugulikia mambo ya dharura za afya, Peter Salama, anasema suala kubwa kuhusu virusi hivyo bado halijulikani, na linahitaji kufanyiwa utafiti kwa undani zaidi, akaongeza mipango ya sasa ya dharura itabadilishwa kuwa ya kati na muda mrefu kwa kazi ambayo itazungumzia masuala mengi ambayo hayajashughulikiwa.

Anthony Costello ni mkurugenzi wa Afya ya uzazi, watoto wachanga, na Afya ya watoto, anasema Zika haitoweza kuwa dharura tena katika afya ya jamii kutokana na namna inavyofahamika miongoni mwa watu, lakini bado ni tatizo kwa baadhi ya nchi huku kukiwa na wasiwasi mkubwa duniani.

Shirika la afya duniani (WHO) linahitaji dola milioni 112 kutekeleza mipango ya kuzuia hama kutokomeza virusi hivyo mpaka mwakani, ikiwa mpaka sasa, imeshapokea dola milioni 50, ikikaribia nusu ya bajeti inayohitajika katika mpango huo.

Hata hviyo linasema linajipanga kufanya kazi kusaidia nchi zinazopambana na virusi vya zika huku likisaidia kuandaa mifumo ya uangalizi ili iweze kufuatilia na kutambua virusi na kuvifuatilia kwa ukaribu, pia litafanya kazi na nchi zenye zilizoathilika ili kuboresha na kuimarisha mipango yao ya majibu ya kitaifa ya kupambana na virusi hivyo.